BẢN TIN TRONG NƯỚC THỨ BA 25/9/2018

គណៈកម្មាធិការមជ្ឈឹមបក្សកុម្មុយនិស្តវៀតណាម, រដ្ឋសភានៃសាធារណរដ្ឋសង្គមនិយមវៀតណាម, ប្រធានរដ្ឋនៃសាធារណរដ្ឋសង្គមនិយមវៀតណាម, រដ្ឋាភិបាលនៃសាធារណរដ្ឋសង្គមនិយមវៀតណាម, គណៈកម្មាធិការរណសិរ្យមាតុភូមិវៀតណាមមានសេចក្តីក្រៀមក្រំ និងសោកស្តាយសូមជូនដំណឹង៖ សមមិត្ត Trần Đại Quang កើតនៅថ្ងៃទី ១២/១០/១៩៥៦; ស្រុកកំណើត៖ ឃុំ Quang Thiện, ស្រុក Kim Sơn, ខេត្ត Ninh Bình; ទីលំនៅអចិន្ត្រៃ​ នៅផ្ទះលេខ ៨, ផ្លូវ Ngụy Như Kom Tum, សង្កាត់​ Nhân Chính, ខណ្ឌ Thanh Xuân, ទីក្រុងហាណូយ។ សមមិត្តបានមានកិត្តិយសបញ្ជូលក្នុងជួរបក្សកម្មុយនិស្តវៀតណាម នៅថ្ងៃទី ២៦/៧/១៩៨០; ជាសមាជិកមជ្ឈិមបក្សនិតិកាលទី ១០, ១១ និង ១២; ជាមាជិកការិយាល័យនយោបាយនិតិកាលទី ១១ និងទី ១២; ជាប្រធានរដ្ឋនៃសាធារណរដ្ឋសង្គមនិយមវៀតណាមតាំងពីខែ ៤/២០១៦ មកដល់ពេលនេះ, ជាប្រធានក្រុមប្រឹក្សាការពារជាតិ និងសន្តិសុខ; ជាសមាជិកអចិន្ត្រៃនៃគណៈកម្មាធិការយោធាមជ្ឈឹម; ជាសមាជិកអចិន្ត្រៃនៃគណៈកម្មាធិការបក្សនៃស្នងការនគរបាលមជ្ឈឹម;ជាតំណាងរដ្ឋសភានិតិកាលទី ១៣ និងទី ១៤; ជាប្រធានគណៈបង្គាប់កំណែទម្រង់រយុត្តិធម៌មជ្ឈឹម។

អស់រយៈពេលយូរត្រូវកើតជំងឺធ្ងន់, ទោះបីជាត្រូវបានបក្ស, រដ្ឋ, លោកសាស្ត្រាចារ, លោកវេជ្ជបណ្ឌិតថែរក្សា និងព្យាបាលដោយអស់ពិចិត្ត ប៉ុន្តែ មកពីកើតជំងឺធ្ងន់ សមមិត្តបានលាចាកលោកនេះ នៅវេលាម៉ោង ១០ និង ០៥នាទីព្រឹក ថ្ងៃទី ២១ ខែកញ្ញា ឆ្នាំ ២០១៨ នៅមន្ទីរពេទ្យមជ្ឈឹមយោធា ១០៨។

ដើម្បីសម្តែងនូវទឹកចិត្តគោរពវិញ្ញាណក័្ខន្ធសមមិត្ត Trần Đại Quang នោះ គណៈកម្មាធិការប្រតិបត្តិការមជ្ឈឹមបក្សកុម្មុយនិស្តវៀតណាម, រដ្ឋសភានៃសាធារណរដ្ឋសង្គមនិយមវៀតណាម, ប្រធានរដ្ឋនៃសាធារណរដ្ឋសង្គមនិយមវៀតណាម, រដ្ឋាភិបាលនៃសាធារណរដ្ឋសង្គមនិយមវៀតណាម, គណៈកម្មាធិការមជ្ឈឹមរណសិរ្យមាតុភូមិវៀតាណាម បានមានសេចក្តីសម្រេច រៀបចំកម្មវិធីបុណ្យឈាបនកិច្ចសមមិត្ត Trần Đại Quang ដោយពិធីសារកាន់ទុក្ខជាតិ។

ពិធីគោរពសពសមមិត្ត Trần Đại Quang បានរៀបចំឡើងនៅវេលាម៉ោង ៧ និង ៣០នាទីព្រឹកថ្ងៃទី ២៧/៩/២០១៨ នៅអគារគោរពសពជាតិលេខ ៥ ផ្លូវ​ Trần Thánh Tông, ក្នុងទីក្រុងហាណូយ។ ពិធីបញ្ជុះសពចាប់ពីម៉ោង ៣និង ៣០នាទីល្ងាចថ្ងៃដដែល នៅក្នុងឈាបនដ្ឋានស្រុក Kim Sơn នៃខេត្ត​ Ninh Bình។

ក្នុង ២ ថ្ងៃកាន់ទុក្ខជាតិ (ទី ២៦ និងទី ២៧ ខែកញ្ញាឆ្នាំ២០១៨) ក្រុមរដ្ឋបាល និងបណ្តាទីសារណត្រូវបង្ហូតទង់ជាតិពាក់កណ្តាល និងត្រូវផ្អាករាល់សម្មភាពលេងកំសាន្តនានា។

២.តាងនាមឲ្យគណៈកម្មាធិការអចិន្ត្រៃនៃរដ្ឋសភា, លោកស្រីប្រធានរដ្ឋសភា Nguyễn Thị Kim Ngân បានចុះហត្ថលេខាលើសេចក្តីជូនដំណឹងលេខ 317/TB-UBTVQH14 ស្តីអំពីការអនុវត្តសិទ្ធិជាប្រធានរដ្ឋនៃសាធារណរដ្ឋសង្គមនិយមវៀតណាម ចំពោះលោកស្រី Đặng Thị Ngọc Thịnh។

ខ្លឹមសារដូចតទៅ៖

យោងតាមរដ្ឋធម្មនុញនៃសាធារណរដ្ឋសង្គមនិយមវៀតណាម; យោងតាមច្បាប់ស្តីអំពីការរៀបចំរដ្ឋសភាលេខ​ 57/2014/QH13; យោងតាមសេចក្តីសង្ខេបរបស់ការិយាល័យនយោបាយ ស្តីអំពីការចាត់ចែងសមាជិកមជ្ឈឹមបក្ស បានកាន់តួនាទីជាប្រធានរដ្ឋនៃសាធារណរដ្ឋសង្គមនិយមវៀតណាម ពេលនេះ គណៈកម្មាធិការអចិន្ត្រៃនៃរដ្ឋសភា សូមជូនដំណឹងថា៖

លោកស្រី Đặng Thị Ngọc Thịnh ជាអនុប្រធានរដ្ឋ បានកាន់តួនាទីជាប្រធានរដ្ឋ នៃសាធារណរដ្ឋសង្គមនិយមវៀតណាម​ដល់ពេលដែលរដ្ឋសភាបានជ្រើសតាំងប្រធានរដ្ឋថ្មី។ គណៈកម្មាធិការអចិន្ត្រៃនៃរដ្ឋសភាសូមជូនដំណឹងនេះ ដល់បណ្តាស្ថាប័ន និងអង្គការក្នុងនិងក្រៅប្រទេស និងប្រជាជនក្នុងទូទាំងប្រទេសបានដឹង។

៣.ឃុំ Ayun គឺជាឃំមួយក្រីក្របំផុតក្នុងខេត្ត​ Gia Lai ផ្លូវដែលចូលក្នុងឃំនេះ គឺត្រូវឆ្លងកាត់ព្រៃ និងភ្នំដ៏ស្ងាត់ជ្រងំ ប្រជាជននៅឃំនេះ ពេញមួយឆ្នំា បានស៊ីឈ្នួលគេ និងដាំដំណាំដំឡូងមី។ មិនតែប៉ុណ្ណោះ ឆ្នាំនេះដំឡូងមីមិនទទួលបានផល បានជាជីវភាពលំបាកហើយ កាន់តែលំបាកខ្លាំងជាងទៀត។

ហើយថ្មីៗ កម្មវិធីរួមដំណើរជាមួយក្រុមគ្រួសារ បានជូនអំណោយជិត ១.០០០ចំណែក រួមមាន សម្លៀកបំពាក់, កាតាប, ទឹកដោះគោ, នំនេក, គោម, អាវរងារ និងនំសែនព្រះច័ន្ទដ៏ឆ្ងាញ់ចំនួន ២, ហើយសរុបថវិការត្រូវចំណាយសម្រាប់កម្មវិធីចំនួន ៤០០លានដុង។

ពិសេសជាងនេះទៅទៀត សប្បុរជន និងអ្នកស្ម័គ្រចិត្តនៅបានដាំមីឆានឹងសាច់ជ្រូកចំនួន ២.០០០ចំណែក សម្រាប់បំរើដល់ប្រជាជននិងកុមារនៅទីនេះទៀតផង។

ព័ត៌មានអន្តរជាតិ

៤.ខ្លឹមសារក្នុងសារាចរមួយ ចុះថ្ងៃទី ២២ ខែកញ្ញា របស់ខុទ្ទការល័យរាជរដ្ឋាភិបាល នៃប្រទេសថៃ បានតម្រូវដល់បណ្តាស្ថាប័នរដ្ឋក្នុងទូទាំងប្រទេសថៃ ត្រូវបង្ហូតទង់ជាតិពាក់កណ្តាល សម្រាប់ឧទ្ទឹសវិញ្ញាណក័្ខន្តសពលោកប្រធានរដ្ឋនៃសាធារណរដ្ឋសង្គមនិយមវៀតណាម ក្នុងរយៈពេល ៣ ថ្ងៃ គឺចាប់ពីថ្ងៃទី ២៤​ខែកញ្ញា។

៥.ប្រទេសអីរ៉ង់បានហៅអ្នកតំណាងរបស់ប្រទេសនេះ កំពុងប្រចាំការនៅក្នុងប្រទេសហូឡង់, ដាណឺម៉ាក់ និងអង់គ្លេសឲ្យត្រឡប់មកប្រទេសអីរ៉ង់វិញ បន្ទាប់ពីកើតមានការវាយប្រហារនៅក្នុងពិធីព្យុហយាត្រា នៅក្នុងទីក្រុង  Ahvaz ខេត្ត Khuzestan ​បណ្តាលឲ្យមនុស្សយ៉ាងតិច ២៥ នាក់ត្រូវស្លាប់បាត់បង់ជីវិត។

ហើយក្រុមរដ្ឋអ៊ីស្លាម​IS និងក្រុម Ahvaz បានចេញមុខទទួលខុសត្រូវចំពោះការវាយប្រហារនេះ។

៦.ក្នុងសេចក្តីរាយការណ៌ថ្មីបំផុតរបស់អង្គការ​FAO បានឲ្យដឹងថា ប្រទេសកូរ៉េខាងជើង បានស្ថិតក្នុងបញ្ជីរាយនាម ៣៩ប្រទេស ចាំបាច់ត្រូវការជំនួយពីប្រទេសផ្សេងៗ។ ហើយះអង្គការនេះក៏បានអំពាវនាវឲ្យនាំចូលស្បៀងអាហារចំនួន៦៤១.០០០ពាន់ សម្រាប់បំបាត់អត់ឃ្លានដល់ប្រជាជនក្នុងប្រទេសនេះ។

អង្គការ FAOក៏បានឲ្យដឹងបន្ថែមថា ស្ថានភាពកង្វះស្បៀងអាហារនៅក្នុងប្រទេសកូរ៉េខាងជើងឆ្នាំនេះ គឺធ្ងន់ធ្ងរជាងឆ្នាំទៅទៅទៀត  គឺស្បៀងអាហារបានខ្វះជាង ១៣០.០០០តោន បើប្រៀបធៀបនឹងឆ្នាំទៅ៕

 

PHÁT TRIỂN NÔNG NGHIỆP ĐÔ THỊ

អភិវឌ្ឍន៌កសិកម្មនៅទីប្រជំជន

ទីក្រុងហូជីមិញ កំពុងអនុវត្តការផ្លាស់ប្តូររច្ចនាសម្ព័ន្ធដំណាំ និងសត្វចិញ្ចឹម សម្រាប់អភិវឌ្ឍន៌ខឿនសេដ្ឋកិច្ចទីប្រជំជន តាមដូចសេចក្តីសម្រេចចិត្តនៅក្នុងមហាសន្និបាទបក្ខភាគទីក្រុងលើកទី ១០។ ដើម្បីអនុវត្តគោលនយោបាយ និងគោលការណ៌ ទីក្រុងបានបំផុសប្រជាជនចំនយន ២៧.៥៦៥ក្រុមគ្រួសារ ឲ្យផ្លាស់ប្តូរផ្ទៃដីដាំណាំស្រូវទទួលផលតិច ទៅដាំដំណាំ និងចិញ្ចឹមសត្វប្រភេទផ្សេងៗ ដូចជាដាំផ្កាអូគីដេ, រុក្ខជាតិលំអរ, ដំណាំបន្លែសុវត្ថិភាព, ចិញ្ចឹមគោរឹតទឹកដោះ, ចិញ្ចឹមសត្វត្រចៀកកាំ…ហើយកសិករក៏បានចាប់ផ្តើមអនុវត្តបច្ចេកវិជ្ជាខ្ពស់, បច្ចេកវិជ្ជាជីវសាស្ត្រ ចូលក្នុងការដាំដុះដំណាំ ហើយគ្រាដំបូងមានការប្រែប្រួលគួរឲ្យកត់សម្គាល់។

ក៏ប៉ុន្តែ ការផ្លាស់ប្តូរ ឆ្ពស់ទៅរកខឿនឧស្សាហកម្មទីប្រជំជន នៅមានល្បឿនយឺតនៅឡើយ និងលទ្ធផលទទួលបានមិនច្រើនប៉ុន្មាន។ប្រជាជនបានផ្លាស់ប្តូរទៅដាំដំណាំ និងចិញ្ចឹមសត្វមានតម្លៃសេដ្ឋកិច្ចខ្ពស់ជាង, ប៉ុន្តែ ការអនុវត្តបច្ចេកវិជ្ជាខ្ពស់ តាមស្តង់ដារ Viet GAP, Global GAPគឺកសិកមិនទាន់អនុវត្តច្រើន, ទោះបីជាកិច្ចការបំផុស, ហឹ្វកហាត់ ត្រូវបានបណ្តាផ្នែកអនុវត្តប្រចាំក៏ដោយ។មូលហេតុសំខាន់មួយ ស្ថិតក្នុងមូលហេតុសំខាន់ទាំងអស់គឺ ថ្លៃទំនិញមួយចំគនួន ដែលបានផលិតតាមស្តង់ដារ Viet GAP, GlobalGAP នៅពេលលក់ចេញទៅទីផ្សារ គឺមិនទាន់ទាក់ទាញកសិករ។ មូលហេតុមួយផ្សេងទៀត ដែលបណ្តាលឲ្យកសិករស្ទាក់ស្ទើរមិនអនុវត្តបច្ចេកវិជ្ជាខ្ពស់ចូលក្នុងការផលិតគឺ មកពីចំណាយសម្រាប់អនុវត្តរូបភាពគំរូនេះមានតម្លៃខ្ពស់គួរសម។​ទោះបីជាបានទទួលការហ្វឹកហាត់ប្រចាំក៏ដោយ ក៏មិនសូវមានប្រជាជនបានផ្លាស់ប្តូរទៅអនុវត្តបច្ចេកវិជ្ជាខ្ពស់ និងបច្ចេកវិជ្ជាជីវសាស្ត្រ ចូលក្នុងការប្រកបរបរ។ បើតាមភាពជាក់ស្តែង គឺភាគច្រើន ប្រជាជននៅប្រកបរបកសិកម្មនៅក្នុងទីប្រជំជន គឺមកពីតំបន់ផ្សេង បានមកជួលដីធ្លីសម្រាប់ដាំដុះដំណាំ និងចិញ្ចឹមសត្វ។ មកពីខ្លួនមិនមែនជាម្ចាស់ដី ហើយដំណាក់ការនគររូបនីយកម្មនៅក្នុងស្រុកមួយចំនួនជាយទីក្រុង បានប្រែប្រួលយ៉ាងឆាប់រហ័ស ម្យ៉ាងវិញទៀតចំណាយនៃការប្រកបរបរអនុវត្តបច្ចេកវិជ្ជាខ្ពស់ច្រើនណាស់ បានជាកសិករខ្វល់ថា មិនអាចដាំដុះបានយូរ បានជានៅរួញរាចំពោះរូបភាពគំរូនេះ។ ទម្លាប់ដាំដុះដំណាំតាមបែបប្រពៃណី មិនចូលចិត្តផ្លាស់ប្តូរ ក៏បានប៉ះពាល់ដល់ល្បឿនក្លាយជាមជ្ឈមណ្ឌលកសិកម្មទីប្រជំនជន នៃទីក្រុងទំនើបមួយ។ ក្រៅពីនេះ សមត្ថភាពគ្រប់គ្រងរបស់របស់កម្មាភិបាលមួយចំនួន ក្នុងវិស័យកសិកម្មនៅគ្រប់លំដាប់ថ្នាក់ នៅមានកំរិត បណ្តាលឲ្យការបំផុស និងណែនាំកសិករផ្លាស់ប្តូរទៅជារូបភាពគំរូផលិតទំនើប នៅជួបការលំបាកច្រើន និងមិនទាន់ទទួលបានលទ្ធផលខ្ពស់។

ដើម្បីជំរុញការអភិវឌ្ឍន៌កសិកម្មក្នុងទីប្រជំជន ទីក្រុងចាំបាច់អនុវត្តបណ្តាដំណោះស្រាយជាក់ស្តែងនារយៈពេលខាងមុខ។ កិច្ចការលើកគម្រោងផែនការ ដំណៅទឹសផលិត និងលក់ចេញផលិតផល សម្រាប់កសិករ គឺចាំបាច់ត្រូវបានអនុវត្តឲ្យម៉ត់ចត់ជាង។ សមត្ថភាពបំផុស និងឃោសនារបស់កម្មាភិបាលចាំបាច់ត្រូវតែបានហ្វឹកហាត់បន្ថែមទៀត​ សម្រាប់បញ្ចុះបញ្ជូលប្រជាជន ឲ្យចូលរួមក្នុងការផ្លាស់ប្តូរដាំណាំ និងសត្វចិញ្ចឹម​សម្រាប់ទទួលបានលទ្ធផលខ្ពស់ជាង។ទន្ទឹមនឹងនោះ​ ប្រាក់កម្ចីត្រូវមានការជំនួយប្រាក់ការ ពីគោលនយបាយលើកទឹកចិត្ត ឲ្យផ្លាស់ប្តូររច្ចនាសម្ព័ន្ធកសិកម្មក្នុងទីក្រុង ចាំបាច់ត្រូវមានការអភិវឌ្ឍន៌ជាងទៀត សម្រាប់ធានាថា កសិករណាដែលពិតជាមានតម្រូវការផ្លាស់ប្តូរ នឹងបានខ្ចីដើមទុន…ជាដើម៕