ព័ត៍មានក្នុងប្រទេស

១.ផាក់ពិន័យម្ចាស់គណនី Facebook បានផ្សាយដំណឹងមិនពិតអំពីជំងឺប៉ែសជ្រូក

លោក Quách Công Ban ជានាយអធិការមន្ទីរឃោសនា​និងព័ត៍មានខេត្ត Đắk Nông បានឲ្យដឹងថា លោកបានចុះហត្ថលេខាលើសេចក្តីសម្រេច ផាកពិន័យបែបរដ្ឋបាល ចំនួន ១០លានដុង ចំពោះម្ចាស់គណនី facebook មួយ ដែលបានចុះផ្សាយដំណឹងមិនពិតថា មានសត្វជ្រូកកើតជំងឺជាង​ ៨០០ក្បាលត្រូវបានកប់ចោល ប៉ុន្តែបានជីកយកមកវិញសម្រាប់កាប់យកសាច់ទៅលក់។ នេះជាដំណឹងមិនពិត បានធ្វើឲ្យប្រជាជនភ័យខ្លាច ហើយក៏ត្រូវផាកពិន័យ ១០លានដុង។

២.អំបែងគ្រាប់មួយនៅក្នុងប្រហោងពោះចំនួន ៤០ឆ្នាំ ក៏ធ្វើឲ្យកើតអាប់សែពោះដ៏ធំ មានខ្ទុះចំនួន 500ml

មន្ទីរពេទ្យមហាវិទ្យាល័យវេជ្ជសាស្ត្រទីក្រុងហូជីមិញបានជូនដំណឹងថា គ្រូពេទ្យនៃមន្ទីរពេទ្យនេះ បានដកចេញដោយជោគជ័យនូវអំបែងគ្រាប់មួយ នៅក្នុងប្រហោងពោះជនរងគ្រោះចំនួន ៤០ឆ្នាំ (កើតនៅឆ្នាំ ១៩៥០ ស្នាក់នៅក្នុងខេត្ត Nghệ An)។

បានដឹងថា ជនរងគ្រោះបានចូលបំរើជួរទ័ពកាលពីវ័យក្មេង ហើយកាលពីអាយុ ២៨ឆ្នាំ គាត់ត្រូវគ្រាប់ចំនឹងបរិវេណត្រគាកខាងស្តាំ។ គ្រាប់នេះបានចូលជ្រៅក្នុងបរិវេណខ្នង ហើយមកពីស្ថិតក្នុងតំបន់ពិបាក ព្រមទាំងកាលនោះមិនជាមានសម្ភារៈច្រើន ហើយទោះបីជាគ្រូពេទ្យបានខិតខំវះយកគ្រាប់ចេញ ប៉ុន្តែយកបានមួយចំណែកប៉ុណ្ណោះ មួយចំណែកទៀត បានជាប់នឹងខ្លួនគាត់មិនអាចយកចេញបាន។ ដល់ពេលនេះ ស្រាប់តែអំបែងគ្រាប់ធ្វើទុក ហើយសំណាងល្អ គ្រូពេទ្យបានយកចេញដោយជោគជ័យ និងបឺតខ្ទុះចេញពីតំបន់អាប់សែដល់ទៅ500ml ឯណោះ។

៣.ដោយមិនប្រយ័ត្នប្រយែងត្រូវដួល ក្មេងអាយុ ៥​ឆ្នាំត្រូវបន្ទះដែកចាក់ធ្លុះក្បាល

យោងដំណឹងពីមន្ទីរពេទ្យកុមារទី ២ បានដឹងថា​ មន្ទីរពេទ្យនេះបានទទួលព្យាបាលករណីដ៏កម្រមានមួយ គឺកុមារមួយរូប អាយុ ៥ខួប បានកាន់បន្ទះដែកវែង ២០សង់ទីម៉ែត្រ រត់លេង ស្រាប់តែដួលតែម្តង បណ្តាលឲ្យបន្ទះដែកនេះចាក់ធ្លុះប្រហោងភ្នែកខាងស្តាំ រួចធ្លាយចូលក្នុងខួរក្បាលតែម្តង។ ហើយបន្ទាប់ពីបានវះកាត់ និងព្យាបាលបាន ១០ថ្ងៃ ស្នាមរបួសក៏បានជា មិនប៉ះពាល់ដល់សរសៃរប្រសាទ​ គ្មានសញ្ញាក្លាយរោគ ហើយភ្នែកខាងស្តាំក៏ជាឡើងវិញ។

៤.ទារកទើបកើតជាប់ដុំសាច់មួយទំងន់ដល់ ៣,១គីឡូក្រាម

មន្ទីរពេទ្យកុមារទីមួយនៃទីក្រុងហូជីមិញបានឲ្យដឹងថា គ្រូពេទ្យនៃមន្ទីរពេទ្យនេះ​ទើបបានវះកាត់ដោយជោគជ័យនូវដុំសាច់យក្យដ៏ធំមួយ នៅជាប់នឹងឆ្អឹងកងកញ្ជូញមានទំងន់ដល់ទៅ ៣,១គីឡូក្រាម ជូនដល់ទារកទើបកើតបាន ១ ថ្ងៃ។ បានដឹងថា ទារកនេះត្រូវបានសាច់ញាតិនាំមកពីខេត្ត Sóc Trăng បានប្រសូតដោយវះកាត់ ទាំងទំងន់ខ្លួននិងទំងន់ដុំសាច់យក្យនេះចំនួន ៥,២គីឡូក្រាម។

ព័ត៍មានអន្តរជាតិ

៥.ទីក្រុង New York សហរដ្ឋអាមេរិកបានប្រកាសផ្ទុះជំងឺកញ្រឹល

ខណ្ឌ Rockland ក្នុងរដ្ឋ New York (សហរដ្ឋអាមេរិក) បានប្រកាសជាបន្ទាន់ បន្ទាប់ពីជំងឺកញ្រឹលបានផ្ទុះឡើងយ៉ាងខ្លាំងក្នុងខណ្ឌនេះ។

ខណ្ឌ Rockland ស្ថិតនៅភាគខាងជើងនៃទីក្រុង New York បានហាមឃាត់ក្មេងៗដែលមិនទាន់បានចាក់វ៉ាក់សាំងការពារជំងឺចេញផុតពីតំបន់សាធារណ បន្ទាប់ពីមាន ១៥៣ករណីត្រូវកើតជំងឺនេះ។ ហើយបើសិនជាល្មើសនឹងត្រូវផាកពិន័យ ៥០០ដុល្លារ ព្រមទាំងត្រូវជាប់ឃុំយ៉ាងតិច ៦ខែទៀត។

៦.ស្នើរឲ្យអង្គការ UNESCO ផ្តល់កិត្តិយសដល់ប្រពៃណីផលិតនាឡិកា

ក្នុងខែមិនានេះ ប្រទេសស្វិស និងប្រទេសបារាំងនឹងដាក់ពាក្យស្នើរដល់អង្គការអប់រំ​វិទ្យាសាស្ត្រ និងអង្គការ UNESCO ឲ្យកត់ឈ្មោះជាប្រពៃណី និងជាគន្លឹះសម្ងាត់នៃការផលិតនាឡិកា និងគ្រឿងយន្តមេកានិក របស់ប្រជាជនរស់នៅតំបន់ Jura ភាគខាងលិចនៃប្រទេសស្វិស​ និងតំបន់ Bourgogne-Franche-Comté ភាគខាងកើតនៃប្រទេសបារាំង ចូលក្នុងបញ្ជីតំណាងបណ្តាបេតិកភណ្ឌអរូបបីរបស់មនុស្សលោក។ បានដឹងថា អ្នកជំនាញជាង ១០នាក់ បានខិតខំបំពេញឯកសារអំពីប្រពៃណី និងគន្លឹះផលិតនាឡិការបស់ប្រទេសស្វិស និងប្រទេសបារាំង។

៧.តុលាការនៃប្រទេសកូរ៉េខាងត្បូងបានយល់ព្រមដកហូតទ្រព្យសម្បត្តិរបស់ Mitsubishi

តុលាការខណ្ឌ Daejeon នៃប្រទេសកូរ៉េខាងត្បូង បានយល់ព្រមតាមសំណើរត្រូវដកហូតទ្រព្យសម្បត្តិរបស់ក្រុមហ៊ុន Mitsubishi (ជប៉ុន) មាននៅក្នុងប្រទេសកូរ៉េខាងត្បូង បន្ទាប់ពីបណ្តុំសហគ្រាសនេះ បានបដិសេធន៍មិនព្រមសងបំណងជូនដល់ជងរងគ្រោះកូរ៉េខាងត្បូង ត្រូវបង្ខំឲ្យធ្វើពលកម្មក្នុងសម័យសង្គ្រាម។ ក៏ប៉ុន្តែ​ Tokyo បានសន្មត់ថា សេចក្តីសម្រេចរបស់តុលាការកំពូលនៃប្រទេសកូរ៉េខាងត្បូង​គឺល្មើសនឹងច្បាប់អន្តរជាតិ។

DỊCH LÂY RA 21 TỈNH, LẬP BAN CHỈ ĐẠO QUỐC GIA CHỐNG DỊCH TẢ HEO CHÂU PHI

បង្កើតគណៈណែនាំជាតិសម្រាប់ការពារទប់ស្កាត់នឹងការរាតត្បាតនៃជំងឺប៉ែសជ្រូកអាហ្វ្រិក

គណៈណែនាំជាតិ ស្តីអំពីការពារទប់ស្កាត់ជំងឺប៉ែសជ្រូកអាហ្វ្រិក បានបើកអង្គប្រជុំ បន្ទាប់ពីរដ្ឋាភិបាល បានសម្រេចចិត្តបង្កើតគណៈនេះ ដោយលោករដ្ឋមន្ត្រីក្រសួងកសិកម្ម និងអភិវឌ្ឍន៍ជនបទធ្វើជាប្រធាន។ ហើយមានសេចក្តីរាយការណ៍ក្នុងអង្គប្រជុំ លោករដ្ឋមន្ត្រីបានជូនដំណឹងថា ជំងឺនេះបានរីករាលដាលដល់ ២១​ខេត្តក្រុងហើយ។

កាលពីព្រឹកថ្ងៃទី ២៦ ខែមិនា នៅក្នុងរដ្ឋធានីហាណូយ គណៈណែនាំជាតិ ស្តីអំពីការការពារទប់ស្កាត់ជំងឺប៉ែសជ្រូកអាហ្វ្រិក បានបង្ហាញមុខ ព្រមទាំងបានបើកអង្គប្រជុំដំបូង ដឹកនាំដោយលោក Nguyễn Xuân Cường ជារដ្ឋមន្ត្រីក្រសួងកសិកម្ម និងអភិវឌ្ឍន៍ជនបទ។ គណៈណែនាំជាតិ ស្តីអំពីការការពារទប់ស្កាត់ជំងឺប៉ែសជ្រូកអាហ្វ្រិក ត្រូវបានបង្កើតឡើង តាមសេចក្តីសម្រេចចិត្តលេខ ៣០២ អនុម័តយល់ព្រមដោយលោកឧបនាយករដ្ឋមន្ត្រី Trịnh Đình Dũng។ ហើយលោករដ្ឋមន្ត្រីក្រសួងកសិកម្ម និងអភិវឌ្ឍន៍ជនបទ បានទទួលមុខងារជាប្រធានគណៈនេះ; នាយកដ្ឋានពេទសត្វជាអង្គភាពចំណុះគណៈណែនាំនេះ។

គណៈណែនាំនេះ មានភារកិច្ចជំនួយការបង្គាប់ការដល់លោកនាយរដ្ឋមន្ត្រី, ចាត់ចែងនិងសហការរវាងក្រសួងនិងក្រសួង ស្ថាប័នខ្សែទទឹងក្រសួង ស្ថាប័នចំណុះរដ្ឋាភិបាល និងស្ថាប័នពាក់ព័ន្ធនានា ក្នុងការការពារ ទប់ស្កាត់ការរាតត្បាតនៃជំងឺប៉ែសជ្រូកអាហ្វ្រិក្នុងទូទាំងប្រទេស។

ទន្ទឹមនឹងនោះ គណៈណែនាំនៅបានជំនួយដល់លោកនាយករដ្ឋមន្ត្រី សហការរវាងក្រសួងនិងក្រសួង, ស្ថាប័នខ្សែទទឹងក្រសួង ស្ថាប័នចំណុះរដ្ឋាភិបាល ជាមួយបណ្តាស្ថាប័នរបស់បក្ស រណសិរ្យមាតុភូមិ និងអង្គការមហាជន សម្រាប់បំផុសកម្លាំងប្រជាជនឲ្យចូលរួម និងជំនួយអនុវត្តផែនការជាជាបន្ទាន់ អំពីការពារទប់ស្កាត់ការរាតត្បាតនៃជំងឺប៉ែសជ្រូកអាហ្វ្រិក; រៀបចំអនុវត្ត ដាស់តឿន និងត្រួតពិនិត្យបណ្តាក្រសួង ផ្នែក និងតំបន់នានា ឲ្យអនុវត្តផែនការការពារ ទប់ស្កាត់ការរាតត្បាតនៃជំងឺនេះ។

យោងតាមសេចក្តីរាយការណ៍ពីក្រសួងកសិកម្ម និងអភិវឌ្ឍន៍ទីជនបទ គឺដល់ថ្ងៃទី ២៥​ខែមិនា ជំងឺប៉ែសជ្រូកអាហ្វ្រិក បានកើតឡើងក្នុង ៤៤៧ឃុំ ៨៤ស្រុក និង ២១ខេត្តក្រុងក្នុងទូទាំងប្រទេស (Hưng Yên, Thái Bình, Hải Phòng, Thanh Hóa, Hà Nội, Hải Dương, Hà Nam, Hòa Bình, Điện Biên, Thái Nguyên, Quảng Ninh, Ninh Bình, Nam Định, Lạng Sơn, Bắc Kạn, Sơn La, Nghệ An, Bắc Ninh, Thừa Thiên - Huế, Lai Châu và Bắc Giang) ជាមួយចំនួនសត្វជ្រូកត្រូវកើតជំងឺ និងបានសម្លាប់ចោលចំនួន 64.879ក្បាល។

មកដល់ពេលនេះ មិនទាន់មានសំបុកជំងឺណាហួសកំរិត ៣០ថ្ងៃនោះទេ បើយោងតាមសេចក្តីសម្រេចចិត្តលេខ 4527/QĐ-BNN-TY ចុះថ្ងៃទី 15/11/2018 ចុះហត្ថលេខាដោយលោករដ្ឋមន្ត្រីក្រសួងកសិកម្ម និងអភិវឌ្ឍន៍ជនបទ ស្តីអំពីផែនការធ្វើសកម្មភាពជាបន្ទាន់ ជាមួយជំងឺរាតត្បាតប៉ែសជ្រូកអាហ្វ្រិក៕