ព័ត៌មានក្នុងប្រទេស
១.គម្រោងព្រាងច្បាប់នានា កំណត់លំអិតអំពីច្បាប់សុវត្ថិភាពបណ្តាញអ៊ីនធ័រណែត ជំហានដំបូងបានសម្រេចជាស្ថាពរ
នៅក្នុងរដ្ឋធានីហាណូយ ក្រសួងនគរបានបានបើកអង្គប្រជុំគណៈរៀបរៀង, ក្រុមចងក្រងកសាងបណ្តាក្រឹត្យរបស់រដ្ឋាភិបាលអំពីការណែនាំអនុវត្តច្បាប់សុវត្ថិភាពបណ្តាញអ៊ីនធ័រណែត។ យោងតាមក្រសួងនគរបាល គឺមកដល់ពេលនេះ គម្រោងច្បាប់នានាដំបូងគឺសម្រេចជាស្ថាពរហើយ.
លោកឧត្តមសេនីនាយក Tô Lâm ជារដ្ឋមន្ត្រីក្រសួងនគរបាលបានគូសបញ្ជាក់ថា រាល់លិខិតណែនាំអំពីការអនុវត្តច្បាប់សំខាន់ៗ និងស្មុគ្រស្មាញ, ពាក់ព័ន្ធផ្ទាល់ដល់សុវត្ថិភាពសង្គម, ការពារបូរភាពទឹកដី; ពាក់ព័ន្ធដល់មុខងារ ភារកិច្ចរបស់កម្មាភិបាល និងផ្នែកជាច្រើន បានទទួលការយកចិត្តទុកដាក់យ៉ាងខ្លាំងពីបណ្តាស្ថាប័ន អង្គការ និងបុគ្គលនានាក្នុងនិងក្រៅ ប្រទេស ដោយហេតុនេះហើយ ចាំបាច់ត្រូវតែអនុវត្តឲ្យរួសរាន់ សកម្ម និងមានការទទួលខុសត្រូវពីគណៈរៀបរៀងនិងក្រុមចងក្រង។
២.នាវានាសាទត្រីដឹកប្រេងចំនួន ១០.០០០លីត្រត្រូវឆេះខ្ទិចខ្ទីនៅកោះ Phu Quoc ខូចខាតចំនួន ១៣ពាន់លានដុង
លោក Phan Quốc Thới ជាប្រធានគណៈកម្មាធិការប្រជាជនទីរួមស្រុក An Thới ស្រុក Phú Quốc នៃកោះ Phú Quốc បានជូនដំណឹងថា ថ្មីៗនេះ ក្នុងភូមិសាស្ត្រទីរួមស្រុក An Thới បានកើតមានឡើងករណីឆេះនាវានានេសាទត្រីមួយគ្រឿង ត្រូវខូចខាតដល់ទៅរាប់ពាន់លានដុងឯណោះ។
យោងដំណឹងដំបូងបានដឹងថា នាវានេសាទត្រីពាក់ស្លាក់លេខ KG-93218TS ជារបស់លោក Huỳnh Văn Sửu (ស្នាក់នៅស្រុក Hòn Đất នៃខេត្ត Kiên Giang)។ ក្នុងពេលដែលនាវាកំពុងចតនៅកំផែ Bãi Xếp ទីរួមស្រុក An Thới សម្រាប់ជួសជុល ស្រាប់តែភ្លើងបានឆេះយ៉ាងសន្ធូរសន្ធៅតែម្តង, លុះដល់ម៉ោង ៩ យប់ ថ្ងៃដដែល គឺភ្លើងបានកំទេចនាវានេះទាំងស្រុង។ ទោះបីជាយ៉ាងណា ក៏សំណាងល្អផងដែរ មកពីគ្មានរងការខូចខាតអំពីមនុស្ស ហើយប៉ាន់សា្មននៃការខូចខាតចំនួន ១៣ពាន់លានដុង។ ហើយមូលហេតុដំបូង ត្រូវបានកំណត់ថា មកពីទុស្សេភ្លើង។
៣.ពិន័យកម្មាភិបាលឃុំ ២ រូប មកពីលេងប៊ីយ៉ាក្នុងម៉ោងធ្វើការ
ប្រធានគណៈកម្មាធិការបក្សឃុំ Kỳ Anh នៃខេត្ត Hà Tĩnh បានជូនដំណឹងថា បក្ខភាគទីរួមស្រុក Kỳ Anh បានដាក់ពិន័យ ដោយរូបភាពទិទៀន ចំពោះលោក Lê Văn Giang ជាអ្នកជំនាញការិយាល័យគ្រប់គ្រងទីប្រជុំជន-សេដ្ឋកិច្ច និងលោក Vũ Hoàng Long ជាអ្នកជំនាញការិយាល័យហិរញ្ញវត្ថុ។
ហើយបន្ទាប់ពីមានសេចក្តីសម្រេចពិន័យភ្លាម, ការិយាល័យផ្ទៃក្នុងទីរួមស្រុក Kỳ Anh បានចេញសេចក្តីសម្រេចចិត្ត ផ្ទេរលោក Giang ឲ្យទៅធ្វើជាប្រធានក្រុមគ្រប់គ្រងទីប្រជំជនទីរួមស្រុក Kỳ Anh ហើយលោក Long បានទៅធ្វើជាអ្នកជំនាញការិយាល័យពលកម្ម-យុទ្ធជនពិកា-សង្គមកិច្ច ទីរួមស្រុក Kỳ Anh។ ដោយមូលហេតុ លោកទាំងពីរនេះ បានចាកចេញពីទីកន្លែងធ្វើការក្នុងម៉ោងធ្វើការដោយខ្លួនឯង។
៤.ទីក្រុងហូជីមិញ៖ ចាត់ការឲ្យតឹងរឹងចំពោះចំណុចបង្រៀនបើកបរក្លែងក្លាយ
គណៈកម្មាធិការប្រជាជនទីក្រុងហូជីមិញ បានបង្គាប់ការដល់បណ្តាខណ្ឌ-ស្រុកក្នុងទីក្រុង ត្រូវសហការជាមួយបណ្តាស្ថាប័នមានសមត្ថកចិ្ច ដើម្បីធ្វើការត្រួតពិនិត្យ និងតាមដានរាល់សកម្មភាពរបស់បណ្តាស្ថាប័នអាជីវកម្ម ដែលបើកចំណុចប្រឹក្សាជ្រើសរើសនិស្សិត, ផ្តល់ប្រឹក្សាបង្រៀនបើកបររថយន្តក្នុងភូមិសាស្ត្រទីក្រុង; ចាត់ការឲ្យតឹងរឹងចំពោះបណ្តាចំណុច និងកន្លែងចុះឈ្មោះក្លែងក្លាយនាមរបស់ចំណុចបង្រៀនបើកបររថយន្ត សម្រាប់ផ្តល់ប្រឹក្សាជ្រើសរើសនិស្សិត និងផ្តល់ប្រឹក្សាបង្រៀនបើកបររថយន្ត។
ព័ត៌មានអន្តរជាតិ
៥.រញ្ជួយដីនៅ Haiti មនុស្សជិត ៣៥០នាក់ត្រូវស្លាប់និងរបួស
ស្ថាប័នការពារប្រជាជននៃប្រទេស Haiti បានទទួលស្គាល់ថា យ៉ាងហោចណាស់ក៏មានមនុស្សចំនួន ១៥ នាក់ត្រូវស្លាប់បាត់បង់ជីវិត និងមនុស្សចំនួន ៣៣៣នាក់ត្រូវរងរបួស ក្នុងករណីរញ្ជួយដី កម្លាំង ៥,៩ richter និងរង្គើរដីអមដ៏ខ្លាំងទៀតកម្លាំង ៥,២ richter កើតឡើងនៅឆ្នេរសមុទ្រភាគខាងលិចឈៀងខាងត្បូងប្រទេសនវ កាលពីថ្ងៃទី ៨ខែតុលា។ ហើយនេះត្រូវបានចាត់ទុកថា ជារញ្ជួយដីខ្លាំងបំផុតនៅក្នុងប្រទេស Haiti គិតចាប់ពីរញ្ជួយដីកំរិត ៧,៣ richter នៅឆ្នាំ ២០១០ ជិតរដ្ឋធានី Port-au-Prince បណ្តាលឲ្យមនុស្សចំនួន ២៥០.០០០នាក់ត្រូវស្លាប់ មនុស្សជិត ៣០០.០០០នាក់ត្រូវរងរបួស និង ១,៥លាននាក់ត្រូវបាត់បង់លំនៅដ្ឋាន។
៦.ប្រទេសម៉ាឡេស៊ី អាចលក់ទ្រព្យសម្បត្តិសម្រាប់សងបំណុល
នៅពេលថ្លែងសុន្ទករថានៅក្នុងសន្និសិទវិនិយោគគិននៅក្នុងរដ្ឋធានី Kuala Lumpur នៃប្រទេសម៉ាឡេស៊ីនោះ លោកប្រធានាធិបតីនៃប្រទេសនេះ Mahathir Mohamad បានឲ្យដឹងថា ប្រទេសលោកអាចដាក់ពន្ធថ្មី និងលក់ទ្រព្យសម្បត្តិ ដូចជាដីធ្លី សម្រាប់ទូទាត់បំណុលមួយចំនួន។ សេចក្តីជូនដំណឹងនេះត្រូវបានប្រកាសក្នុងស្ថានភាពដែលរដ្ឋាភិបាលនៃប្រទេសម៉ាឡេស៊ី កំពុងឈឺក្បាលចំពោះបំណុលដ៏ធំ ឡើងដល់ ១.០០០ ពាន់លាន ringgit (ស្មើរនឹង ២៤០,៦៧ពាន់លានដុល្លារអាមេរិក)
៧.ប្រកាសភាពអាសន្នអំពីគ្រោះគំរៀមកំហែងកុមារលើទូទាំងពិភពលោក
សេចក្តីរាយការណ៌ថ្មីបំផុតរបស់អង្គការសហប្រជាជាតិបានដឹងថា មានកុមារអាយុក្រោម ៥ ឆ្នាំ ប្រមាណ ១៧៦លាននាក់ ត្រូវបានឃើញផ្ទាល់នឹងភ្នែកអំពើរហឹង្សាប្រចាំក្នុងក្រុមគ្រួសារ ហើយការដែលបានរស់នៅក្នុងស្ថានភាពដូច្នេះ បណ្តាលឲ្យកុមារអាចមានគំនិតខុសគេ ហើយអាចក្លាយជាអ្នកនឹងទៅគំរៀមកំហែងអ្នកដទៃទ្វេរដង បើប្រៀបធៀបនឹងកុមារផ្សេងៗ។ មានកុមារមិនទាន់គ្រប់វ័យប្រមាណ ៣០% រស់នៅ ៣៩ប្រទេសក្នុងទ្វិបអឺរ៉ុប និងអាមេរិកខាងជើង បានសារភាពថា ខ្លួនធ្លាប់គំរៀមកំហែងមិត្តភក្កិនៅសាលារៀន។
PHẠT TIỀN TRIỆU NẾU BÁN THỨC ĂN CHÍN
KHÔNG ĐEO GĂNG TAY
ផាកពិន័យធ្ងន់ បើសិនជាលក់អាហារចម្អិនមិនពាក់ស្រោមដៃ
ក្រសួងសុខាភិបាលបានជូនដំណឹងថា ចាប់ពីថ្ងៃទី ២០ខែតុលាឆ្នាំ ២០១៨តទៅ ក្រឹត្យលេខ 115/2018/NĐ-CP បានកំណត់ចំពោះទង្វើរល្មើសរដ្ឋបាល ហើយរូបភាពផាកពិន័យ, កំរិតផាកពិន័យ វិធានការណ៌កំណែផលអាក្រក់, សិទ្ធិបានធ្វើកំណត់ហេតុល្មើសរដ្ឋបាល និងសិទ្ធិបានផាកពិន័យរដ្ឋបាល ចំពោះបញ្ហាសុវត្ថិភាពអាហារ និងចាប់ផ្តើមមានសុពលភាព។
ប្រការគួរឲ្យចាប់អារម្មរណ៌ដែលមាននៅក្នុងក្រឹត្យលេខ ១១៥ នេះ គឺកំរិតផាកពិន័យរដ្ឋបាល ចំពោះបញ្ហាសុវត្ថិភាពអាហារជាទឹកប្រាក់គឺខ្ពស់ជាង បើប្រៀបធៀបនឹងបទកំណត់ដែលមានស្រាប់, ពិសេសគឺចំពោះរាល់អំពើលក់ដូរអាហារនៅតាមចិញ្ចឹមថ្នល់ដែលមិនធានាសុវត្ថិភាពអាហារ។
ជាក់ស្តែង, ក្រឹត្យបានកំណត់ថា ត្រូវផាកពិន័យជាសាច់ប្រាក់ពី ៥០០.០០០ដុង-១លានដុង (កំណត់ចាស់គឺផាកពី ៣០០.០០០-៥០០.០០០ដុង)ចំពោះអំពើមួយក្នុងចំណោមអំពើល្មើស ចំពោះលក្ខណៈធានាសុវត្ថិភាពអាហារដូចជា៖ លក់ដូរគ្មានតុ, ទូ និងប្រដាប់ប្រដារផ្សេងៗត្រឹមត្រូវតាមកំណត់សម្រាប់លក់អាហារ; អាហារមិនបានគ្រប ធ្វើឲ្យដីឬធូលីកខ្វក់ចូល; មានសត្វល្អិត និងសត្វធាតុចូល; មិនប្រើស្រោមដៃក្នុងពេលធ្វើអាហារឆ្អិន ឬ អាហារវេចខ្ចប់។
ពិសេស, នឹងផាកពិន័យពី ១-៣លានដុង ចំពោះទង្វើមួយក្នុងចំណោមទង្វើដូចជា៖ ប្រើប្រដាប់ប្រដាកែច្នៃអាហារ, ហូបចុក, របស់វេចខ្ចប់អាហារមិនធានាសុវត្ថិភាព; អ្នកពុងមានជំងឺ ហើយតាមកំណត់មិនអនុញ្ញាតឲ្យលក់ដូរផ្ទាល់; ប្រើទឹកមិនធានាអនាម័យ សម្រាប់កែច្នៃអាហារ, សម្អាតប្រដាប់ប្រដា, របស់របរសម្រាប់ដំស្ល និងហូបចុក។
ក្រៅពីនេះ ព្រមជាមួយកំរិតផាកពិន័យជាសាច់ប្រាក់នោះ បើសិនជាអ្នកល្មើស នៅបានប្រើគញរឿផ្សំអាហារមិនត្រឹមត្រូវតាមកំណត់របស់ច្បាប់ នៅត្រូវបង្ខំឲ្យចាក់ចោលអាហារទាំងនេះ។
យោងតាមនាយកដ្ឋានសុវត្ថិភាពអាហារ (នៃក្រសួងសុខាភិបាល) គឺការលក់ដូរអាហារតាមចិញ្ចឹមថ្នល់គឺជារូបភាពមួយពេញនិយមិនត្រឹមតែនៅក្នុងប្រទេសវៀតណាមប៉ុណ្ណោះទេ គឺលើទូទាំងពិភពលោក ត្រូវបានប្រជាជនចូលចិត្ត មកពីបានជ្រើសរើសរហ័សទាន់ចិត្ត, ច្រើនប្រភេទ និងមានតម្លៃសមស្រប។ ក៏ប៉ុន្តែ រូបភពនេះផ្ទុកផលអាក្រក់ច្រើន ដូចជា មិនធានាសុវត្ថិភាពស្បៀងអាហារ ប៉ះពាល់ដល់សុខភាពរបស់អ្នកប្រើប្រាស់៕