តើប្រភពនៃថ្ងៃនេះវាយ៉ាងណា។
ចា ថ្ងៃសុភមង្គលអន្តរជាតិ ត្រូវបានយកពីគំនិតរបស់ព្រះមហាក្រត្រនៃព្រះរាជាណាចក្រ Bhutan ដែលជាប្រទេសមួយ មានសន្ទស្សលេខសុភមង្គលខ្ពស់បំផុត ដោយបានផ្អែកលើបណ្តាកត្តាដូចជា៖ សុខភាព, ស្មារតី, អប់រំ, បរិស្ថាន, គុណភាពគ្រប់គ្រង និងកំរិតរស់នៅរបស់ប្រជាជន។
ថ្ងៃសុភមង្គលអន្តរជាតិ នៅបានចាប់បដិសន្ធិឡើងពីតម្រូវការមួយ ស្តីអំពីការបានដឹងបានស្គាល់កំណើនសេដ្ឋកិច្ចតុល្យភាព, សមស្របជាង, សម្រាប់ជំរុញការអភិវឌ្ឍន៌ដោយចិរភាព, បំបាត់ភាពក្រីក្រ និងការខិតខំនានា ដើម្បីសុភមង្គល និងភាពចំរើនរុងរឿងសម្រាប់មនុស្សគ្រប់រូប។ ហើយក្រៅពីនេះ ថ្ងៃនេះក៏បានចាប់បដិសន្ធិឡើង ពីបំណងប្រាថ្នាថា មនុស្សមួយរូបៗ ចូរជ្រើសរើសសម្រាប់ខ្លួនឯងនូវទស្សនៈត្រឹមត្រូវអំពីសុភមង្គលមួយ, យកចិត្តទុកដាក់ដល់បញ្ហាគន្លឹះបំផុត ក្នុងជីវភាពរស់នៅ គឺធ្វើយ៉ាងណា ស្វែងភាពសប្បាយរីករាយឲ្យបានច្រើនក្នុងជីវភាពរស់នៅ, ធ្វើយ៉ាងណាដើម្បីប្រការល្អៗមួយៗ បានរីករាលដាលឲ្យពេញលើលោកនេះ។
ការដែលអង្គការសហប្រជាជាតិបានជ្រើសរើសថ្ងៃទី ២០ខែមិនា ជាថ្ងៃសុភមង្គលអន្តរជាតិ គឺមកពីនេះជាថ្ងៃពិសេសក្នុងឆ្នាំ, នេះជាថ្ងៃដែលព្រះអាទិត្យបានស្ថិតនៅទទឹងនឹងខ្សែអេក្វាទ័រ, បានជាពេលថ្ងៃនិងពេលយប់នៅថ្ងៃនេះស្មើរគ្នា- នេះជានិមិត្តរូបនៃភាពតុល្យភាព, នៃភាពស៊ីសង្វាក់របស់ចក្រវាឡ។ ហើយក៏ជានិមិត្តរូបនៃភាពតុល្យភាពរវាងយិននិងយ៉ាង, រវាងពន្លឺនិងភាពងងិត, រវាងបំណងប្រាថ្នា និងការអនុវត្ត…ជាដើម។ ដោយហេតុនេះហើយ ថ្ងៃទី ២០ខែមិនា- ក៏បានពាំនាំនូវពាក្យថា៖ ភាពតុល្យភាព និងស៊ីសង្វាក់គ្នា គឺជាគន្លឹះមួយ សម្រាប់នាំយកសុភមង្គល។
រីឯនៃប្រទេសវៀតណាមវិញ, លោកនាយករដ្ឋមន្ត្រី បានមានសេចក្តីសម្រេចិត្តលេខ 2589/QĐ-TTg ngày 26/12/2013 បានអនុម័ត្តយល់ព្រមទៅលើគម្រោងការ៖ “ត្រូវរៀបចំបណ្តាសកម្មភាពក្នុងថ្ងៃសុភមង្គលអន្តរជាតិ ទី ២០ខែមិនារៀងរាល់ឆ្នាំ”។
ប្រការនេះ បាននាំមកនូវអត្ថន័យដ៏ធំធេញ សម្រាប់បន្តអនុវត្តគោលដៅនានាដូចជា អភីវឌ្ឍន៌សុខុមាលភាពសង្គម, កសាងគ្រួសារសម្បូរសប្បាយ, ទំនើប និងសុភមង្គល, លើកកម្ពស់ចំណេះដឹងក្នុងសង្គមទាំងមូល អំពីថ្ងៃសុភមង្គលអន្តរជាតិ, សម្រាប់ផ្តើមពីនេះ នឹងមានសកម្មភាពជាក់ស្តែង សម្រាប់កសាងគ្រួសារសុភមង្គល, សហគមន៌សុភមង្គល; អំពាវនាវការសហប្រតិបត្តិការពីបណ្តាអង្គភាព និងបុគ្គលក្នុងនិក្រៅប្រទេស។
ហើយបានដឹងថា កាលពីឆ្នាំ ២០១៤គឺជាឆ្នាំដំបូងដែលប្រទេសវៀតណាម បានរៀបចំបណ្តាសកម្មភាពនានា ដើម្បីអបអរសាទថ្ងៃនេះ ។ហើយតាំងពីពេលនោះមកដល់ពេលនេះ ឆ្នាំណាប្រទេសយើង ក៏បានរៀបចំកម្មវិធីជាច្រើន ដើម្បីអបអរសាទថ្ងៃសុភមង្គលអន្តរជាតិផងដែរ៕