ព័ត៌មានក្នុងប្រទេស
១.ទីក្រុងហាណូយមានបំណងថា ប្រជាជនក្នុងទីក្រុងនេះ ជាបណ្តើរៗនឹងបោះបង់ចោលទំលាប់ទទួលទានសាច់សុនខ និងសាច់ឆ្មា សម្រាប់ជៀសវៀងមិនកើតជឺងឺឆ្លងនានា; ព្រមទាំងការកាប់សម្លាប់និងទទួលទានសាច់សុនខ និងសាច់ឆ្មាជារូបភាពមិនល្អចំពោះភ្ញៀវទេសចរក្នុងនិងក្រៅប្រទេស ដែលកំពុងរស់នៅ និងបំពេញការងារនៅទីនេះ។
បានដឹងថា នេះជាបទកំណត់មួយ បានចែងក្នុងលិខិតបទដ្ឋានរបស់គណៈកម្មាធិការប្រជាជនទីក្រុងហាណូយ ស្តីអំពីការគ្រប់គ្រងការចិញ្ចឹម,កាប់សម្លាប់, លក់ដូរ និងទទួលទានសាច់សុនខ និងសាច់ឆ្មា។
យោងតាមនោះ ទីក្រុងហាណូយបានប្រគល់ភារកិច្ចដល់គណៈកម្មាធិការប្រជាចនគ្រប់ខណ្ឌស្រុក ត្រូវទទួលព័ត៌មាន និងធ្វើបញ្ជីគ្រប់គ្រងអំពីសុខនចិញ្ចឹមក្នុងតំបន់, រៀបចំការចុះហត្ថលេខសន្យាអនុវត្តការរាយការចិញ្ចឹមសុនខ និងឆ្មា និងគោរពត្រឹមត្រូវតាមបទកំណត់នានា អំពីការការពារ, ទប់ស្កាត់ជំងឺរាតត្បាត, ពិសេសគឺជំងឺឆ្គួតសត្វ។ តំបន់នានា ត្រូវរៀបចំការចាក់ក់សាំងការពារជំងឺឲ្យសុនស និងឆ្មា និងត្រូវផ្តល់ប័ណ្ណសម្គាល់សុនខ និងឆ្មាបានចាក់វ៉ាក់សាំងការពារជំងឺហើយ។
២.កាលពីថ្ងៃទី ១១ ខែកញ្ញា ស្នងការនគរបាលស៊ើបអង្កេតខេត្ត Phú Yên បានប្រកាស់អាជ្ញាចាប់ដាក់ឃុំជាបណ្តោះអាសន្ន ចំពោះលោក Nguyễn Tài ជាអតីតប្រធានគណៈកម្មាធិការប្រជាជនស្រុក Đông Hòa នៅក្នុងលំនៅដ្ឋានរបស់លោក ស្ថិតនៅផ្ទះលេខ ៥៩ ផ្លូវ Trần Phú សង្កាត់លេខ ៧ ទីក្រុង Tuy Hòa នៃខេត្ត Phú Yên។
បានដឹងថា លោក Nguyễn Tài មានអំពើឆ្លៀតយកមុខងារនិងសិទ្ធបានទទួល បានអនុវត្តខុសកំណត់របស់រដ្ឋ ក្នុងការធ្វើឯកសារ, វិនិច្ឆ័យសម្រេច និងអនុម័ត្តយល់ព្រមទៅលើវិធានការចេញសំណងតាំងលំនៅថ្មី នៃគម្រោងការមួយ ស្ថិតក្នុងឃុំ Hòa Tâm បានបង្ករផលអាក្រក់យ៉ាងធ្ងន់ធ្ងរដល់រដ្ឋ ជាង ៩,២លានដុង; លើ្មសមាត្រាលេខ ៣,ប្រការលេខ ១៦៥ នៃច្បាប់ព្រហ្មទ័ណ្ឌចុះឆ្នាំ ១៩៩៩។ ហើយរយៈពេលចាប់ដាក់ឃុំបណ្តោះអាសន្នគឺ ៤ខែចាប់ពីថ្ងៃជាប់ឃុំ។
៣.នគរបាលស្រុក Đức Trọng នៃខេត្ត Lâm Đồng បានចាប់បានឡានមួយគ្រឿង ពាក់ស្លាក់លេខ ដ 49A-166.62 បើកបរដោយលោក Nguyễn Văn Quân ស្នាក់នៅក្នុងស្រុក Đức Trọng បើកពីឃុំ Đạ Quyn ឆ្ពស់ទៅមជ្ឈមណ្ឌលស្រុក Đức Trọng នៅលើឡានឃើញមានសត្វពង្រូលប្រភេទ Java មេ១និងកូន១។ហើយនៅក្នុងស្នងការនគរបាល លោក Quân បានទទួលស្គាល់ថា លោកបានទិញសត្វពង្រូល ២ ក្បាល់នេះ ពីប្រជាជនមួយរូប នៅឃុំ Tà Năng សម្រាប់យកទៅលក់យកចំណេញ។បានដឹងថា សត្វពង្រូលមេមានទំងន់ ៣,៤គីឡូក្រាម និងកូនពង្រូលមានទំងន់ ១,២គីឡូក្រាម។ ហើយសត្វប្រភេទនេះស្ថិតក្នុងក្រុមសត្វមានតម្លៃ ហានិភ័យអាចផុតពូជ ត្រូវបានច្បាប់ការពារយ៉ាងតឹងរឹង។
៤.ប៉ូស៌័្តការពារព្រំដែនអន្តរជាតិ La Layនៃកងទ័ពការពារព្រំដែនខេត្ត Quảng Trị បានឲ្យដឹងថា អង្គភាពនេះកំពុងសហការជាមួយសាខាគយនៃមាត់ច្រក LaLay សម្រាប់ធ្វើការត្រួតពិនិត្យទំនិញ និងអនុវត្តបែបបទនានា ចំពោះចំនួនឈើលួចលាក់ក្នុងចំនួនធំ បានលាក់ទុកយ៉ាងម៉ត់ចត់ នៅក្នុងកញ្ចឹប់ទំនិញអេតចាយ របស់ក្រុមហ៊ុន Minh Hoàng គឺឈើធ្នង់ និងឈើនាងនួនជិត ១៥ម៉េត្រគូប។ ហើយពេលនេះ ស្ថាប័នមានសមត្ថកិច្ច កំពុងធ្វើការពិនិត្យឡានផ្សេងៗទៀត របស់ក្រុមហ៊ុននេះ និងបំពេញបែបបទវិនិច្ឆ័យតាមការកំណត់របស់ច្បាប់។
ព័ត៌មានអន្តរជាតិ
៥.សារព័ត៌មាននៃប្រទេសឥណ្ឌាបានផ្សាយថា មានមនុស្សយ៉ាងតិច ៤៥នាក់ត្រូវស្លាបាត់បង់ជីវិត និងមនុស្សចំនួន ៣៧ នាក់ទៀតត្រូវរងរបួស នៅពេលដែលឡានក្រុងមួយគ្រឿង កំពុងដឹកអ្នកធ្វើធម្មយាត្រាត្រូវធ្លាក់ចុះចង្កេះភ្នំមួយ ស្ថិតនៅក្រុងស្រុក Jagtial រដ្ឋ Telangana ភាគខាងត្បូងនែប្រទេសនេះ។ បានដឹងថា រៀងរាល់ឆ្នាំ គ្រោះថ្នាក់ចរាចរណ៌ បានបណ្តាច់ជីវិតប្រជាជនឥណ្ឌាជាង ១៥០.០០០នាក់។ ភាគច្រើនគឺមកពីគុណភាពផ្លូវថ្នល់អន់ ឡានមិនធានាសុវត្ថិភាព និងតៃកុងឡានបើកបរមិនប្រយ័ត្ន។
៦.ទីភ្នាក់ងារសារព័ត៌មាន Reuters បានផ្សាយថា យ៉ាងហោចណាស់ក៏មានមនុស្សចំនួន ៣៥ នាក់ត្រូវស្លាប់បាត់បង់ជីវិត និងមនុស្សជាង ១០០នាក់ទៀតត្រូវរងរបួស នៅពេលឡានស៊ីទែនដឹកប្រេងមួយគ្រឿងត្រូវរងគ្រោះថ្នាក់ និងផ្ទុះ នៅរដ្ឋ Nasarawa ភាគខាងជើងនៃប្រទេស Nigeria។ សក្សីមួយរូបនៅទីកើតហេតុបានឲ្យដឹងថា អ្នកស្លាប់និងរងរបួសទាំងអស់គឺមកពីបានរត់មកទីកើតហេតុមើលឡានរងគ្រោះ ហើយពេលឡានផ្ទុះក៏ត្រូវស្លាប់ទៅ។
៧.តាមការប៉ាន់ស្មាន ក្នុងសប្តាហ៌ក្រោយ លោក Emmanuel Macron ជាប្រធានាធិបតីនៃប្រទេសបារាំង នឹងប្រកាស់ផែនការកែប្រែប្រព័ន្ធសុខាភិបាលជាតិ។ បានដឹងថា រដ្ឋាភិបាលនៃប្រទេសនេះ នឹងបង្កើនចំណាយខាងធានារ៉ាប់រងសុខាភិបាលបន្ថែម ២,៤% នៅឆ្នាំ ២០១៩, បើប្រៀបធៀបនឹងឆ្នាំ ២០១៨ គឺកើន ២,៣%។
BỊ CÁO CẦM ĐẦU TỔ CHỨC ĐÁNH BẠC
600 TỶ LÃNH 9 NĂM TÙ
ជនជាប់ចោទជាមេឃ្លោងរៀបចំការលេងល្បែងចំនួន ៦០០ពាន់លានដុង ត្រូវជាប់ឃុំ ៩ ឆ្នាំ
បន្ទាប់ពីអស់រយៈពេលកាត់ក្តីបាន ១ សប្តាហ៌ កាលពីថ្ងៃទី ១១ ខែកញ្ញា តុលាប្រជាជនទីក្រុងហូជីមិញ បានកាត់ក្តីចំពោះជនជាប់ចោទទាំងអស់ ក្នុងរឿងក្តីលេងល្បែងជាង ៦០០ពាន់លានដុង។ ហើយមេឃ្លោងគឺឈ្មោះ La Tung Thinh អាយុ ៥៥ ឆ្នាំ ត្រូវកាត់ទោសឲ្យជាប់ឃុំ ៩ ឆ្នាំ អំពីបទរៀបចំលេងល្បែង។
ហើយជនជាប់ចោទមានបទល្មើសដូចគ្នាគឺ ឈ្មោះ Cung Thi Thanh Thao អាយុ ៣៨ឆ្នាំ, ឈ្មោះ Lac Thien L ong អាយុ ៤៣ ឆ្នាំ និងឈ្មោះ Lu Vinh Loi អាយុ ៥៥ ឆ្នាំ ត្រូវជាប់ឃុំពី ៥ ដល់ ៧ ឆ្នាំ និង ៦ខែ។ ពាក់ព័ន្ធដល់រឿងក្តីនេះ នៅមានជនជាប់ចោទ ២២ នាក់ទៀត ត្រូវកាត់ក្តីអំពីបទលេងល្បែង ត្រូវជាប់ឃុំព្យួរ ពី ១៨ខែ ដល់ ៣ ឆ្នាំ ៦ខែ។
យោងតាមសំណុំឯកសារ គឺមានជនបរទេសមួយចំនួន បានឃុបឃិតជាមួយជនមួយចំនួនទៀត នៅវៀតណាម បានបង្កើតក្រុមលេងល្បែងស៊ីសង តាមបណ្តាអ៊ីនធ័រណែត ហើយរបៀបលេងល្បែងនេះ បានទាក់ទាញអ្នកចូលរួមលេងច្រើន។ ដើម្បីបានចូលរួម ជនបរទេសបានតម្រូវឲ្យអ្នចូលរួម ត្រូវបើកគណនីនៅក្នុងធនាគារក្នុងប្រទេសវៀតណាម សម្រាប់បង់លុយចាញ់និងស៊ី។
ប្រមាណជានៅដើមឆ្នាំ ២០១៤ឈ្មោះLa Tung Thinh បានស្គាល់ឈ្មោះ Hung ហើយបានឲ្យឈ្មោះនេះខ្ចីគណនីចំនួន ៤សម្រាប់ប្រើប្រាស់។ ដល់ខែមេសាឆ្នាំ ២០១៤ ឈ្មោះ Hung បានស្នើរឲ្យឈ្មោះ Thinh បើកបន្ថែមគណនី និងស្វែងអ្នកឲ្យជួយបើកបន្ថែមគណនី។ ឈ្មោះ Thinh បានបើកបន្ថែម ៧ គណនីទៀត។
រៀងរាល់ថ្ងៃ ឈ្មោះ Hung បានទូរស័ព្ទឲ្យឈ្មោះThinh នូវចំនួនលុយដែលដកចេញពីគណនី និងផ្ទេចូលគណនីផ្សេង សម្រាប់ឈ្មោះ Hung ទៅដកលុយនៅធនាគារ និងផ្ទេលុយ។ រៀងរាល់ខែ ឈ្មោះ Thinh បានឲ្យឈ្នួលឈ្មោះ Hung ពី ៥ ដល់ ៧លានដុង…។
ស្ថាប័នមានសមត្ថកិច្ចកំណត់បានថា ចាប់ពីខែមេសាឆ្នាំ ២០១៥ ដល់ខែវិច្ចិកាឆ្នាំ ២០១៦ សរុបលុយភ្នាល់បានផ្ទេរចូលក្នុងគណនីនានា ជាង ២៤៤ពាន់លានដុង។ ហើយលុយដែលដកចេញតែ ៤៣ ពាន់លានដុង។ នៅសល់ ១៤គណនីរបស់ឈ្មោះ Lu Vinh Loi និងប្រព័ន្ធ គឺមានជិត ១១២ ពាន់លានដុង ត្រូវបានផ្ទេចូល ហើយបានដកចេញជាង ៤២ ពាន់លានដុង…។
ហើយសរុបលុយដែលផ្ទេឆ្លងកាត់គណនីរបស់ជនល្មើស ៤ រូប ដែលកំណត់បានគឺជាង ៦២០ពាន់លានដុង។ ក្នុងនោះ ឈ្មោះ La Tung Thing បានទទួល ២០៨លានដុង, ឈ្មោះ Lu Vinh Loi បានទទួល ១៤០លានដុង, ឈ្មោះ Lac Thien Long បានទទួល ១៤៤លានដុង និងឈ្មោះCung Thi Thanh Thao បានទទួល ៩០លានដុង។
ក្រៅពីនេះ ស្ថាប័នមានសមត្ថកច្ចក៏កំណត់បាន ២២ នាក់ទៀត អំពីបទលេងល្បែង, ក្នុងចំណោមនេះ ភាគច្រើនគឺនិស្សិត, វិស្វ័ក, ពេទ្យសត្វ…ហើយអ្នកទាំងនេះ បានបើកគណនីជាសមាជិក នៅក្នុងទំព័រវែបសៃភ្នាល់ និងបើកគណនីនៅធនាគារ សម្រាប់ចូលរួមលេងល្បែង៕