ព័ត៌មាននៅក្នុងប្រទេស

១.ជំងឺមហារីកថ្លើម គឺជាមូលហេតុស្លាប់មនុស្សនាំមុខគេនៅវៀតណាម

លោកសាស្ត្រាចារ្យ-បណ្ឌិត Lê Trung Hải ជាប្រធានសមាគមន៌ថ្លើមនិងប្រមាត់នៃប្រទេសវៀតណាមបានជូនអនុសាសន៌ថា​ បើសិនជាពីមុននេះ នៅប្រទេសយើងជំងឺហារីកសួតគឺជាមូលហេតុនាំមុខគេ ដែលមានចំនួនមនុស្សស្លាប់ច្រើនជាងគេបំផុតនោះ​ គឺពេលនេះ ជំងឺមហារីកថ្លើមកាន់តែមានអ្នកកើតច្រើនជាង ហើយបាននាំមុខគេអំពីចំនួនមនុស្សស្លាប់។

២.បើកទូលាយការសាកល្បងប្រើប្រាស់ទោចក្រយានយន្តជួយសង្គ្រោះបន្ទាន់នៅក្នុងខណ្ឌលេខ ៥

យោងតាមសេចក្តីរាយការណ៌​​ គឺជាង ២ សប្តាហ៌អនុវត្តសាកល្បងប្រើប្រាស់ទោចក្រយានយន្តសម្រាប់ជួយសង្គ្រោះបន្ទាន់នោះ គឺក្នុងចំណោម ៦៧លើកជួយសង្គ្រោះបន្ទាន់ គឺមាន ២៦លើកបានជួយសង្គ្រោះបន្ទាន់ដោយទោចក្រយានយន្ត។ ហើយប្រការដែលគួរឲ្យសប្បាយរីករាយគឺ ប្រជាជនទាំងអស់ សុទ្ធតែបានពេញចិត្តជាមួយរូបភាពជួយសង្គ្រោះបន្ទាន់ថ្មីថ្មោងនេះ។

៣.នារីអាយុ ២៩ឆ្នាំ ត្រូវស្លាប់មកពីពន្លូតកូន

នាយកដ្ឋានសុខភាពមាតា និងកុមារ នៃក្រសួងសុខាភិបាល បានមានបង្គាប់ការជាបន្ទាន់ ដល់មន្ទីរសុខាភិបាលខេត្ត Ninh Thuận ត្រូវពិនិត្យ និងរាយការណ៌ជាបន្ទាន់ចំពោះករណីនារីឈ្មោះ Phan Thị H.N.(អាយុ ២៩ឆ្នាំ រស់នៅក្នុងខេត្ត Ninh Thuận )ត្រូវស្លាប់បាត់បង់ជីវិត មកពីពន្លូតកូននៅក្នុងគ្លីនិករបស់លោកស្រី Vũ Thị Lâm អាយុ ៦២ ឆ្នាំ នៅទីក្រុង Phan Rang-Thap cham។

មកពីករណីនេះមានលក្ខណៈធ្ងន់ធ្ងរ បានក្រសួងសុខាភិបាល បានតម្រូវដល់មន្ទីរសុខាភិបាល ត្រូវរាយការណ៌ដល់គណៈកម្មាធិការប្រជាជនខេត្ត ត្រូវបង្គាប់ការដល់បណ្តាស្ថាប័នមានសមត្ថកិច្ច សហការគ្នាបញ្ជាក់ និងដោះស្រាយករណីនេះឲ្យតឹងរឹង ព្រមទាំងត្រូវជូនដំណឹងដល់ក្រុមគ្រួសារជនរងគ្រោះ។

៤.Đà Nẵng ផ្ទុះជំងឺគ្រុនឈាម

លោកវេជ្ជបណ្ឌិត Nguyễn Thành Trung ជាអនុប្រធានមន្ទីរទីក្រុង Đà Nẵng បានឲ្យដឹងថា គិតមកដល់ពេលនេះ មន្ទីរពេទ្យនេះ បានទទួលព្យាបាលជំងឺគ្រុនឈាមដល់អ្នកជំងឺចំនួន ២៣២នាក់ហើយ។

លោកវេជ្ជបណ្ឌិត Nguyễn Thành Trung បានបន្តថា “ពេលនេះ​ មន្ទីរពេទ្យ Đà Nẵng កំពុងស្ថិតក្នុងស្ថានភាពផ្ទុកអ្នកជំងឺហួសកំណត់។ ក្រៅពីការបានបញ្ជូនមកបន្ថែមវេជ្ជបណ្ឌិត និងអ្នកថែអ្នកជំងឺពីមន្ទីរពេទ្យផ្សេងៗ​ គឺអ្នកជំងឺជាច្រើន ត្រូវសម្រាកគ្រែជាមួយគ្នា”។

ព័ត៌មានអន្តរជាតិ

៥.រកឃើញម្ជុលក្នុងផ្លែស្កូបូរីនៅប្រទេស New Zealand

ប៉ូលីសនៃប្រទេស New Zeland បានឲ្យដឹងថា ពួកគាត់បានរកឃើញម្ជុលមួយ ក្នុងផ្លែស្កូបូរីមួយ។ ហើយនេះជាការរកឃើញម្ជុលលើកទី ២ ក្នុងប្រទេសនេះ បន្ទាប់ពី ២ខែកើតមានករណីរកឃើញម្ជុលក្នុងផ្លែស្កូបូរីនៅប្រទេសអូស្ត្រាលី។

CHỦ ĐỘNG PHÒNG BỆNH DỊCH SAU MƯA BÃO

ម្ចាស់ការការពារជំងឺរាតត្បាតក្រោយភ្លៀងនិងព្យុះ

លោកវេជ្ជបណ្ឌិត Nguyễn Trí Dũng ជាប្រធានមជ្ឈមណ្ឌលសុខាភិបាលបម្រុងការពារបានឲ្យដឹងថា បន្ទាប់ពីព្យុះលេខ ៩ គឺស្ថានភាពទឹកលិចនៅច្រើនកន្លែង ក្នុងទីប្រជុំជន បន្លាយច្រើនម៉ោង ជួនកាលដល់ទៅពី ២ ទៅ៣ថ្ងៃ ប្រការនេះបានបណ្តាលឲ្យកើតឡើងហានិភ័យ ខាងអនាម័យបរិស្ថានដូចជា សំរាមត្រូវកកស្ទះ, កាកសំណល់បញ្ចេញចោលពីមនុស្ស និងសត្វជាដើម បានប៉ះពាល់ខ្លាំងដល់ប្រទឹកប្រើប្រាស់, ការប្រជុំជីវភាពរស់នៅ អាចបណ្តាលឲ្យកើតឡើងបណ្តាជំងឺរាតត្បាតដូចជា រាគរូស, ជំងឺសើរស្បែក, ជំងឺមាត់ដៃជើង ឬជំងឺគ្រុនឈាមជាដើម។

យោងតាមនោះ ដើម្បីការពារ និងទប់ស្កាត់ជំងឺរាតត្បាតនានា​ក្រោយព្យុះ, បន្ថយផលអាក្រក់ឲ្យបានតិចបំផុតដែលបណ្តាលមកពីភ្លៀងខ្លាំង និងព្យុះនោះ គឺថ្មីៗនេះ មជ្ឈមណ្ឌលបានចេញសារាចរណ៌មួយ ស្តីអំពីការបង្កើនការតាមដានអនាម័យបរិស្ថាន, អនាម័យប្រភពទឹកប្រើប្រាស់​និងការពារទប់ស្កាត់ជំងឺរាតត្បាតក្រោយព្យុះលេខ​៩នៅក្នុងទីក្រុងហូជីមិញ។

ជាក់ស្តែង ស្នើរដល់មជ្ឈមណ្ឌលសុខាភិបាលគ្រប់ខណ្ឌស្រុក ត្រូវរៀបចំការឃោសនា និងណែនាំប្រជាជន ត្រូវអនុវត្តបណ្តាវិធានការណ៌ធានាការអនាម័យខ្លួន, អនាម័យបរិស្ថាន, សុវត្ថិភាពស្បៀងអារហារ, ដោះស្រាយសពសត្វងាប់ជាដើម តាមអនុសាសន៌របស់ក្រសួងសុខាភិបាល។

បណ្តាមណ្ឌលសុខភាពសង្កាត់ និងឃុំត្រូវបង្កើនកិច្ចការតាមដានអនាម័យបរិស្ថាននៅតាមបណ្តាស្ថានីយ៌ទទួលយកសំរាមបន្ត, កន្លែងប្រមូលផ្តុំសំរាម, កសិដ្ឋានចិញ្ចឹមសត្វ, បណ្តាមណ្ឌលផ្គត់ផ្គង់ទឹក, បៀលឌីញ​ និងនៅតាមក្រុមគ្រួសារ។

ព្រមទាំងត្រូវរៀបចំការតាមដាន រកឃើញទាន់ពេលវេលា និងដោះស្រាយឲ្យដាច់ស្រឡះ ដើម្បីមិនឲ្យកើតមានជំងឺរាតត្បាតនានាក្រោយភ្លៀង និងទឹកជំនោដូចជា ជំងឺរាគរូស, ជំងឺភ្នែកក្រហម, ជំងឺរលាកផ្លូវដកដង្ហើម, ទឹកស៊ីជើង, ជំងឺគ្រុនផ្តាសាយ, ពិសេស ត្រូវការពារបណ្តាជំងឺឆ្លងតាមផ្លូវរំលាយអាហារ ដូចជាអាសន្នរោគ, រាគមូល, ​គ្រុនពោះវៀនជាដើម។

ក្រៅពីនេះ ត្រូវរៀបចំក្រុមការងារ ឲ្យទៅត្រួតពិនិត្យ និងណែនាំប្រជាជន អំពីការអនាម័យបរិស្ថាន, អនាម័យដើម្បីសុវត្ថិភាពអាហារនៅពេលចាំបាច់។ ប្រសិនជាកើតហេតុអ្វីមួយ ពាក់ព័ន្ធដល់គុណភាពនៃប្រភពទឹកប្រើប្រាស់, ការប្រជុំជីវភាព គឺមជ្ឈមណ្ឌលសុខាភិបាលស្រុក ត្រូវម្ចាស់ការផ្គត់ផ្គង់ថ្នាំគីមី និងណែនាំប្រជាជនអនាម័យ និងសម្លាប់មេរោគក្នុងទឹកអណ្តូង និងទឹកប្រើប្រាស់ជាមួយថ្នាំ Cloramin B …ជាដើម។

ហើយប្រជាជនត្រូវអនុវត្តបណ្តាវិធានការការពារជំងឺរាតត្បាតដូចជា៖

១.ត្រូវធានាថា បានជ្រើសរើសអាហារ និងកែច្នៃអាហារបានសុវត្ថិភាព មានអនាម័យ ត្រូវទទួលទានអាហារចម្អិន និងទឹកដាំពុះ។

២.ត្រូវលាងដៃជាមួយសាប៊ូជានិច្ចមុននិងក្រោយដាំស្លរ មុននិងក្រោយទទួលទានអាហារ និងបន្តោបង់។

៣.ត្រូវអនាម័យខ្លួនប្រាណរៀងរាល់ថ្ងៃ, លាងជើងបានស្អាត​ត និងត្រូវជូតជើងបានស្ងួតក្រោយពេលប្រាស្រ័យនឹងទឹកជំនន់ ឬទឹកកខ្វក់។

៤.ត្រូវកំចាត់ដង្កូវទឹក, កំចាត់មូសដោយវិធីគ្របអាង ធុងផ្ទុកទឹកឲ្យជិត, ត្រូវព្រលែងត្រីចូលក្នុងឧបករណ៌ផ្ទុកទឹកធំ, ត្រូវបោះចោលកាកសំណល់ដូចជា ដប, សំបកកង់ …ឬប្រហោងដក់ទឹកធម្មជាតិ សម្រាប់មិនឲ្យមូសពង។

៥.ត្រូវចងមុងនៅពេលគេងពេលយប់និងពេលថ្ងៃ។

៦.ត្រូវលាងសម្អាតអាងផ្ទុកទឹក និងអណ្តូងទឹក និងត្រូវប្រើថ្នាំគីមី សម្រាប់សម្លាប់មេរោគ, ទឹកបរិភោគនិងទឹកប្រើប្រាស់ត្រូវអនុវត្តតាមការណែនាំរបស់បុគ្គលិកសុខាភិបាល។

៧.ត្រូវអនុវត្តតាមគោលការណ៌គឺ ទឹកស្រក់ដល់ណា ត្រូវអនាម័យដល់ហ្នឹង,​ត្រូវប្រមូល, ដោះស្រាយ និងកប់សពសត្វងាប់តាមការណែនាំរបស់បុគ្គលិកសុខាភិបាល។

៨.នៅពេលសង្ស័យថាខ្លួនបានកើតជំងឺ ត្រូវអញ្ចើញទៅមន្ទីរពេទ្យពិនិត្យ និងព្យាបាលជំងឺ៕