ព័ត៍មាននៅក្នុងប្រទេស

១.រាយការណ៍ដល់លោកនាយករដ្ឋមន្ត្រីអំពីករណីរាំងស្ទះការយកសោហ៊ុយនៅបញ្ជរកប្រាក់ Bắc Thăng Long-Nội Bài

ថ្មីៗនេះ ខុទ្ទការល័យរដ្ឋាភិបាលបានមានលិខិតបង្គាប់ការអំពីប្រសាសន៍របស់លោកឧបនាយករដ្ឋមន្ត្រី Trịnh Đình Dũng ស្តីអំពីករណីមានជនមួយចំនួនបានរាំងស្ទះការយកសោហ៊ុយនៅបញ្ជរកប្រាក់ផ្លូវគោក​ Bắc Thăng Long - Nội Bài ។

អគ្គក្រុមហ៊ុនផ្លូវគោគបានតម្រូវដល់ក្រុមហ៊ុនភាគហ៊ុន BOT Vietracimex 8 ត្រូវសហការជាមួយអគ្គនាយកដ្ឋានគ្រប់គ្រងផ្លូវគោគ ១, និងបណ្តាស្ថាប័នមានសមត្ថកិច្ចនៃទីក្រុងហាណូយ ត្រូវបង្កើនកម្លាំងឲ្យគ្រប់គ្រាន់ សម្រាប់ធានាសន្តិសុខ និងសណ្តាប់ធ្នាប់នៅក្នុងបញ្ជរកប្រាក់, ត្រូវមានដំណោះស្រាយបែងចែកខ្សែរផ្លូវ មិនបណ្តោយឲ្យស្ទះ និងគ្រោះថ្នាក់ចរាចរណ៍នៅក្នុងបរិវេណបញ្ជរកប្រាក់ ព្រមទាំងត្រូវរៀបចំការចរចារជាមួយប្រជាជនដោយផ្ទាល់, ដោះស្រាយការតវ៉ារបស់ប្រជាជន,​ លើកជូនមតិរបស់ប្រជាជន , ត្រូវឃោសនាឲ្យប្រជាជនបានយល់ច្បាស់អំពីការយកប្រាក់ផ្លូវគោកនៅក្នុងបញ្ជរកប្រាក់ Bắc Thăng Long-Nội Bài នេះ។

២.ឃាត់ទុកបានបារីនាំចូលខុសច្បាប់ពីប្រទេសក្រៅជាង ១៣ពាន់កញ្ជប់នាយកដ្ឋានគ្រប់គ្រងទីផ្សារទីក្រុងហូជីមិញបានឲ្យថា ក្នុងរយៈពេល ២ ថ្ងៃជាប់គ្នា, ក្រុមគ្រប់គ្រងទីផ្សារលេខ ២៥​ ឃាត់ទុកបានបារីនាំចូលពីប្រទេសក្រៅខុសច្បាប់ជាង ១៣កញ្ជប់ ត្រូវបានលក់ទុកក្នុងចំណុចផ្ទុកទំនិញ ២ នៅផ្លូវលេខ ១ សង្គាត់ Tam Bình ខណ្ឌ Thủ Đức ។ ម្ចាស់ផ្ទះឲ្យគេជួលធ្វើជាកន្លែងផ្ទុកទំនិញ សុទ្ធតែបាននិយាយថា ធុងទំនិញទាំងនេះ សុទ្ធតែជារបស់ស្ត្រីមួយរូបបានជួលផ្ទះគាត់​ ហើយនិយាយថា នេះជាធុងដាក់ស្ករគ្រាប់សម្រាប់លក់ពេលចូលឆ្នាំ។ ហើយបារីខុសច្បាប់ទាំងនេះ ត្រូវបានស្ថាប័នមានសមត្ថកិច្ចឃាត់ទុក និងស្វែងរកម្ចាស់ទំនិញឈ្មោះ Loan សម្រាប់វិនិច្ឆ័យតាមផ្លូវច្បាប់។

៣.រៀងរាល់ថ្ងៃមានគ្រោះថ្នាក់ចរាចរណ៍ជិត ៥០ករណី

ក្នុងអំឡុងពេលមួយខែ ចាប់ពីថ្ងៃទី 15/12/2018 ដល់ថ្ងៃទី 15/1/2019 ក្នុងទូទាំងប្រទេសកើតមានគ្រោះថ្នាក់ចរាចណ៍ចំនួន 1.527 ករណី។ ហើយគិតជាមធ្យម ក្នុងមួយថ្ងៃក្នុងខែនេះ ក្នុងទូទាំងប្រទេសកើតមាន ៤៩ករណីគ្រោះថ្នាក់ចរាចរណ៍, រួមមាន ២៧ករណីស្រាល, ៧គ្រោះថ្នាក់មិនសូវធ្ងន់ធ្ងរឡើងទៅ និង ២២ ករណីប៉ះទង្គិចជាមួយគ្នា បណ្តាលឲ្យមនុស្សចំនួន ២៤​នាក់ត្រូវស្លាប់បាត់បង់ជីវិត ១៤​ នាក់ត្រូវរងរបួស និង ២៣ នាក់ត្រូវរបួសស្រាល។

៤.ប្រធានគណៈកម្មាធិការមាតុភូមិវៀតណាមទីក្រុង Cần Thơ ត្រូវទទួលវិន័យជាការព្រមាន

គណៈប្រតិបត្តិបក្ខភាគទីក្រុង Cần Thơ បានឯកភាពផាកពិន័យនូវរូបភាពព្រមាន ចំពោះលោកស្រី Phan Thị Hồng Nhung ប្រធានគណៈកម្មាធិការមាតុភូមិវៀតណាមប្រចាំទីក្រុង Cần Thơ។​ យោងតាមនោះ បានដឹងថា លោកស្រី Nhung ក្នុងតួនាទីជាអ្នកដឹកនាំថ្នាក់គណៈកម្មាធិការបក្សទីក្រុង Cần Thơ ប៉ុន្តែបានធ្វើខុសក្នុងការដឹកនាំ, បង្គាប់ការ, និងចាត់ចែងការងារ។​ពិសេស ក្នុងតួនាទីជាកម្មាភិបាលគ្រប់គ្រង  និងប្រើប្រាស់ហិរញ្ញវត្ថុរបស់អង្គភាព។ បានដឹងថា មុននោះ ពាក់ព័ន្ធដល់ការធ្វើខុសក្នុងផ្នែកគ្រប់គ្រង និងប្រើប្រាស់ហិរញ្ញវត្ថុនោះ លោកស្រី Nhung បាមម្ចាស់ការកែផលអាកក្រក់ហើយ។

អំពីព័ត៍មានអន្តរជាតិ

៥.មេយានិកមានវិបត្តិខាងផ្លូវចិត្ត ក្រោយគ្រោះថ្នាក់ដ៏អាក្រក់បំផុតក្នុងប្រទេសណេប៉ាល់

អាជ្ញាធនៃប្រទេសណេប៉ាល់បានមានសេចក្តីសង្ខេប អំពីគ្រោះថ្នាក់អាកាសចរណ៍ដ៏អាក្រក់បំផុតក្នុងប្រទេសនេះ ក្នុងអំឡុងពេល ២៦​ឆ្នាំកន្លងមក, គ្រោះថ្នាក់បានកើតឡើង នៅពេលជើងហោះហើរមួយរបស់ក្រុមហ៊ុនអាកាសចរណ៍ US-Bangla Airline បានដឹកអ្នកដំណើរចំនួន ៧១ នាក់ ហោះពីទីក្រុង Dhaka ដល់រដ្ឋធានី Nepal ហើយត្រូវភ្លើងឆេះក្នុងពេលបានចុះចតនៅព្រលានយន្តហោះ Kathmandu កាលពីខែមិនឆ្នាំ ២០១៨កន្លងទៅ។

៦.ប្រទេសគុយបា៖ ខ្យល់កំបុតត្បូងបានវាយប្រហារនៅ La Habana បណ្តាលលលឲ្យមនុស្សជាង ១៧០នាក់ត្រូវស្លាប់និងរបួស

លើទំព័រ Twitter ប្រធានរដ្ឋនៃប្រទេសគុយបា លោក Miguel Diaz-Canel បានឲ្យដឹងថា ខ្យល់កំបុតត្បូង​អមជាមួយនូវភ្លៀងនុងខ្យល់ខ្លាំងឡើងដល់ជាង ១០០គីឡូម៉ែត្រក្នុងមួយម៉ោង កាលពីរាត្រីថ្ងៃទី ២៧​ខែមករា បានបង្កខូចខាតយ៉ាងធ្ងន់ធ្ងរ ដល់រដ្ឋធានី La Habana។ បន្ទាប់ពីគ្រោះថ្នាក់ភ្លាម លោកប្រធានរដ្ឋនៃប្រទេសគុយបា ក៏បានចុះពិនិត្យតំបន់ត្រូវរងគ្រោះ និបានទៅសួសុខទុក្ខដល់កម្លាំងប្រតិបត្តិបន្ទាន់។ ហើយមកដល់ពេលនេះ កិច្ចការជួយសង្គ្រោះនៅកំពុងអនុវត្តនៅឡើយ។

៧.ជនចំណាកស្រុកអាមេរិកកណ្តាល បានសម្រុកចូលប្រទេសម៉ិចស៊ីច

អាជ្ញាធនៃប្រទេសម៉ីចស៊ីចបានជូនដំណឹងថា ជនចំណាកស្រុក Honduras និង ElSalvador យ៉ាងតិច ៣.០០០នាក់ បានចូលក្នុងប្រទេសនេះ បន្ទាប់ពីពួកគាត់ត្រូវវាយប្រហារនៅក្នុងទីក្រុង Tecun Uman ក្នុងប្រទេសស Guatemala ជាប់ព្រំដែនជាមួយប្រទេសម៉ីចស៊ីច។

បានដឹងថា ក្នុងរយៈពេល ២​សប្តាហ៍កន្លងមក ជនចំណាក់ស្រុករាប់ពាន់នាក់មកពីអាមេរិកកណ្តាល​ ដែលភាគច្រើនគឺជនជាតិ Honduras បានចូលក្នុងប្រទេសម៉ីចស៊ីច បន្ទាប់មកពួកគាត់នឹងស្វែងរកផ្លូវទៅអាមេរិក។ បានដឹងថា នេះជារលកចំណាកស្រុកធំលើកទី ២​ ពីប្រទេស Honduras បន្ទាប់ពីរលកចំណាកស្រុកដំបូង កាលពីខែតុលាឆ្នាំ ២០១៨ ដែលមានជនចំណាកស្រុកជិត ៩.០០០នាក់មកពីអាមេរិកកណ្តាល។

 

ĐẢM BẢO SỐ LƯỢNG VÀ CHẤT LƯỢNG PHƯƠNG TIỆN VẬN TẢI TẾT

ធានាគ្រប់ចំនួននិងគុណភាពមធ្យោបាយបំរើអ្នកដំណើរនាឱកាសអំណរឆ្នាំថ្មី

ថ្មីៗនេះ នៅក្នុងកិច្ចប្រជុំការងាររបស់ក្រសួងគមនាគមន៍និងដឹកជញ្ជូន លោករដ្ឋមន្ត្រី Nguyễn Văn Thể បានស្នើរដល់បណ្តាស្ថាប័នមានសមត្ថកិច្ច ត្រូវបង្គាប់ការដល់បណ្តាស្ថាប័នអាជីវកម្មដឹកជញ្ជូនផ្លូវដែក, ផ្លូវអាកាសចរណ៍, ផ្លូវទឹក និងផ្លូវគោក។ល។ ត្រូវតែលើកកម្ពស់គុណភាពសេវ៉ា និងធានាមានមធ្យោបាយមានគ្រប់គ្រាន់ សម្រាប់បំរើប្រជាជបានត្រឡប់មកស្រុកកំណើតវិញទទួលឆ្នាំថ្មី។

យោងដំណឹងពីសេចក្តីរាយការណ៍នានា គឺតាមការប៉ាន់ស្មាន នៅទីក្រុងហូជីមិញចំនួនអ្នកដំណើរ ធ្វើដំណើរទៅខេត្តផ្សេងក្នុងរយៈពេលទទួលឆ្នាំថ្មីនេះ គឺកើប្រមាណពី 2% ដល់ 7% បើប្រៀបធៀបនឹងរយៈពេលដូចគ្នាកាលពីឆ្នាំទៅ។​ ក្នុងថ្ងៃចំនួនអ្នកដំណើរច្រើនជាងគេ គឺអាដល់ទៅជិត 130.000 លើកអ្នកក្នុងមួយថ្ងៃ គឺកើនជិត 100% បើប្រៀបធៀបនឹងថ្ងៃធម្មតា។ ដោយហេតុនេះហើយ ទីក្រុងហូជីមិញបានរៀបចំគម្រោងការបង្កើនចំនួនរថយន្តដឹកអ្នកដំណើរគ្រប់គ្រាន់​ សម្រាប់បំរើតម្រូវការរបស់ប្រជាជន។

រីឯនៅទីរដ្ឋធានីហាណូយវិញ ទីនេះក៏បានបង្កើនបន្ថែម ១៤៣គ្រឿង សម្រាប់ជួយរំលែកអ្នកដំណើរនៅក្នុងបេនឡាននានា។ ក្រៅពីនេះ មន្ទីរគមនាគមន៍និងដឹកជញ្ជូនហាណូយ ក៏បានបង្គាប់ការ និងចាត់ចែងកម្លាំងសមត្ថកិច្ច សម្រាប់ត្រួតពិនិត្យ និងដោះស្រាយឲ្យទាន់ពេលវេលា ចំពោះអំពើល្មើសនៅក្នុងបេនឡាន Mỹ Đình, Giáp Bát, Nước Ngầm ពិសេសគឺនៅបណ្តាញផ្លូវ Phạm Hùng, Giải Phóng, Pháp Vân...សម្រាប់ធានាសណ្តាប់ធ្នាប់គមនាគមន៍។

ចំពោះការដឹកជញ្ជូនអ្នកដំណើរតាមផ្លូវដែកវិញ គឺផ្នែកនេះ បានត្រៀមខ្លួនហើយស្រេច សម្រាប់បំរើអ្នកដំណើរដែលកើនឡើងពី 10 ដល់ 15%។

រីឯក្រុមហ៊ុនភាគហ៊ុនដឹកជញ្ជូនផ្លូវដែក Sài Gòn បានឲ្យដឹងថា គិតដល់ថ្ងៃទី ២៨​ខែមករា នៅសល់សំបុត្ររថភ្លើងប្រមាន 48.600កៅអីធ្វើដំណើរពីខាងជើង​ ទៅខាងត្បូង និងត្រឡប់មកវិញ ចំពោះរយៈពេលមុននិងក្រោយអំណរឆ្នាំថ្មី។

ចំពោះផ្លូវអាកាសរណ៍ លោក Dinh Viet Thang ជាប្រធាននាយកដ្ឋានអាកាសចរណ៍វៀតណាមបានឲ្យដឹងថា តាមការប៉ាន់ស្មាន អ្នកដំណើរធ្វើដំណើរតាមផ្លូវអាកាសនារយៈពេលអំណរឆ្នាំថ្មីឆ្នាំនេះ កើន 11% បើប្រៀបធៀបនឹងរយៈពេលដូចគ្នាកាលពីឆ្នាំទៅ។ មកដល់ពេលនេះ នៅសល់សំបុត្រមិនទាន់បានលក់ចេញប្រមាណ 1 លាន ៨សែនសំបុត្រ។​ក៏ប៉ុន្តែ ជើងហោះហើរទាំងអស់ ពីទីក្រុងហូជីមិញ ទៅតំបន់ផ្សេងៗ ស្ទើរតែលក់អស់ក្នុងប៉ុន្មានថ្ងៃជិតចូលឆ្នាំហើយ។

នាយកដ្ឋានអាកាសរណ៍វៀតណាម បានបង្គាប់ការដល់ក្រុមហ៊ុនអាកាចរណ៍នានា ត្រូវគោរពឲ្យបានត្រឹមត្រូវ ចំពោះបទកំណត់នានា ស្តីអំពីការគ្រប់គ្រងថ្លៃដឹកជញ្ជូនតាមផ្លូវអាកាសក្នុងស្រុក មិនអនុញ្ញាតឲ្យដំឡើងថ្លៃសំបុត្រឡើយ

លោករដ្ឋមន្ត្រី Nguyễn Văn Thể បានអំណះអំណាងថា បណ្តាក្រុមហ៊ុនដឹកជញ្ជូនអ្នកដំណើរនារយៈពេលជិតចូលឆ្នាំ ត្រូវមិនត្រូវមកពីចំណូលច្រើនរបស់ខ្លួន បែរជាបំភ្លេចចោលផលប្រយោជន៌សមស្របរបស់ប្រជាចននោះទេ។ ហើយអង្គភាពណាល្មើស នឹងត្រូវទទួលការផាកពិន័យដោយតឹងរឹង។