LỊCH SỬ VÀ Ý NGHĨA NGÀY THÀNH LẬP ĐẢNG CỘNG SẢN VIỆT NAM 3/2/1930
“ប្រវត្តិសាស្ត្រ និង អត្ថន័យថ្ងៃបង្កើតបក្សកុម្មុយនិស្តវៀតណាម ទី ៣ខែកុម្ភះ ឆ្នាំ ១៩៣០”
បក្សកុម្មុយនិស្តវៀតណាម ត្រូវបានបង្កើតឡើងនៅក្នុងថ្ងៃទី ៣ ខែកុម្ភះឆ្នាំ ១៩៣០ គឺជាលទ្ធផលជៀសមិនផុតនៃការតស៊ូរបស់ជាតិ និងជាការតស៊ូរវណ្ណៈនៅក្នុងប្រទេសវៀតណាមក្នុងសម័យថ្មី, លោកប្រធានហូជីមិញធ្លាប់បានសរសេរថា៖ បក្សកុម្មុយនិស្តវៀតណាមគឺជាផលិតផលិតមួយមានការគួបផ្សំរវាងលទ្ធិម៉ាក-ឡេនីនជាមួយចលនាកម្មករ និងចលនាស្នេហាជាតិវៀតណាម។ បក្សកុម្មុយនិស្តវៀតណាមត្រូវបានប្រវត្តិសាស្ត្រប្រគល់ភារកិច្ចដ៏ឧត្តុងឧត្តមគឺកាន់អំណាចដឹកនាំតែមួយគត់ចំពោះបដិវត្តវៀតណាម។
ការចាប់បដិសន្ធិរបស់បក្សដែលមានប្រព័ន្ធរៀបចំដោយស្អិតរមួត និងមានកម្មវិធីនយោបាយបដិវត្តដ៏ត្រឹមត្រូវ បានបញ្ចប់នូវវិបត្តិការដឹកនាំបដិវត្តក្នុងរយៈពេលរាប់សិបឆ្នាំគឺតាំងពីដើមសតវត្សទី XX ។ ការបង្កើតបក្សគឺជារបត់មួយដ៏មានអត្ថន័យយ៉ាងសំខាន់នៃប្រវត្តិសាស្ត្របដិវត្តរបស់ប្រទេសយើង។ បានបញ្ជាក់ថា វណ្ណៈអធនរបស់យើងមានការធំពេញវ័យ និងមានកម្លាំងគ្រប់គ្រាន់សម្រាប់ដឹកនាំបដិវត្ត។
បក្សកុម្មុយនិស្តវៀតណាមបានចាប់បដិសន្ធិ បានធ្វើឲបដិវត្តវៀតណាមក្លាយជាផ្នែកមួយមិនអាចកាត់ផ្តាច់ចេញពីបដិវត្តនៅក្នុងប្រទេសជាច្រើនលើពិភពលោក។ ហើយផ្តើមពីនេះ វណ្ណៈកម្មករ និង ពលករនៅក្នុងប្រទេសវៀតណាមបានស្ម័គ្រចិត្តចូលរួមក្នុងបុព្វហេតុតស៊ូបដិវត្តរបស់ប្រជាជនលើទូទាំងពិភពលោក។
ការចាប់បដិសន្ធិរបស់បក្សកុម្មុយនិស្តវៀតណាមគឺជាការរៀបចំមួយមានសារសំខាន់ និងមានលក្ខណៈសម្រេចចំពោះការវិវឌ្ឍន៌ដ៏រហ័សរហួននៃដំណាក់កាលប្រវត្តិសាស្ត្រវិវឌ្ឍន៌របស់ជាតិវៀតណាម ដោយសមិទ្ធិផលដំបូងគឺជោគជ័យរបស់បដិវត្តខែសីហានៅឆ្នាំ ១៩៤៥ និងការចាប់ដិសន្ធិរបស់ប្រទេសវៀតណាមសាធារណរដ្ឋប្រជាធិបតេយ្យ។
លោក Nguyễn Ái Quốc -គឺលោកប្រធានហូជីមិញជាទីគោរពរបស់យើង ជាជនជាតិវៀតណាមស្នេហ៌ហាជាតិមួយរូប បានរកបានមាគ៌ារំដោះជាតិដ៏ត្រឹមត្រូវបំផុត និងសមស្របនឹងតម្រូវការអភិវឌ្ឍន៌របស់ជាតិវៀតណាម និងនិន្នការរបស់យុគសម័យ។ លោក Nguyễn Ái Quốc បានក្រេបយក និងអភិវឌ្ឍន៌លទ្ធិម៉ាក់-ឡេនីន ស្តីអំពីបដិវត្តអាណានិគម, បានកសាងនូវប្រព័ន្ធទ្រឹស្តីអំពីបដិវត្តរំដោះជាតិ និង រៀបចំការផ្សព្វផ្សាយទ្រឹស្តីនេះនៅក្នុងប្រទេសវៀតណាម, បានខិតខំរៀបចំនូវស្មារតីនយោបាយ និង រៀបចំ, បង្កើតបក្សកុម្មុយនិស្តវៀតណាម ព្រមទាំងដាក់ចេញនូវកម្មវិធីធ្វើសកម្មភាពនៃគណៈបក្សដោយត្រឹមត្រូវបំផុត សម្រាប់ដឹកនាំប្រទេសជាតិឈានឡើងក្នុងការតស៊ូដើម្បីឯករាជ្យជាតិ៕
CÓ MỘT TRẠI GÀ THẢ VƯỜN TRÊN VÙNG BẢY NÚI
(នៅលើតំបន់ភ្នំ Bảy Núi មានមណ្ឌលចិញ្ចឹមមាន់ស្រុកមួយ)
រូបភាពគំរូធ្ចើសេដ្ឋកិច្ចកសិដ្ឋាននៅតំបន់ដីសណ្តទន្លេគីវឡុងកំពុងមានការអភិវឌ្ឍន៌យ៉ាងខ្លាំង។ គឺតាំងពីតំបន់វាលទំនាប រហូតដល់តំបន់ភ្នំ នៅទីណាក៏ឃើញមានមណ្ឌលចិញ្ចឹមមាន់ ពិសេសគឺចិញ្ចឹមមាន់បែបឧស្សាហកម្ម។ ប៉ុន្តែថ្មីៗនេះ នៅតំបន់ភ្នម Bảy Núi ក្នុងខេត្ត An Giang មានរូបភាពគំរូចិញ្ចឹមមាន់ស្រុកក្នុងទ្រង់ទ្រាយចិញ្ចឹមជាង ៧.០០០ក្បាល ហើយគ្រាដំបូងបានទទួលសេដ្ឋកិច្ចខ្ពស់គួរសម។
លោក Mai Nhựt Tồn ជាអ្នកធ្លាប់បានប្រកបរបរលក់ដូរកំប៉ិចកំប៉ុកនៅក្នុងខណ្ឌ Thốt Nốt នៃទីក្រុង Cần Thơ គឺបន្ទាប់ពីលក់ដូរដោយលំបាកលំបិក គាត់បានសម្រេចិត្តប្តូរមុខរបរ យកលុយដែលមានទាំងអស់ ឡើងទៅតំបន់ភ្នំ Bảy Núi ទិញដីព្រៃចំនួន ៥ហិកតានៅក្រោមជើងភ្នំ Cấm ស្ថិតក្នុងភូមិ Tâ Long ឃុំ Tân lợi ស្រុក Tịnh Biên នៃខេត្ត An Giang សម្រាប់ចិញ្ចឹមសត្វនិងដាំដំណាំ។
ជាមួយដើមទុនដំបូងមាន ២,៣រយលានដុង គ្រាដំបូង គាត់បានសាកល្បងដាំដុះឈើហូបផ្លែ និងចាំចំណាំមើលដំណាំប្រភេទណាមានប្រសិទ្ធិភាពខ្ពស់។ ច្រើនឆ្នាំបន្ទាប់ ចំការដំណាំស្វាយ, ក្រូចឃ្វិច, ខ្នុរ, ទៀបបារាំង…បានចាប់ផ្តើមចេញផ្លែ ហើយរៀងរាល់ឆ្នាំ គាត់បានទទួលប្រាក់ពី ២ទៅ ៣រយលានដុងពីការលក់ផ្លែឈើ។ នៅពេលមានដើមទុនបន្ថែមហើយ គាត់បានហានចំណាយលុយធ្វើរបងព័ទ្ធនៅជុំវិញផ្ទៃដី និងទុកដី ១ ហិកតា សម្រាប់ធ្វើទ្រុងចិញ្ចឹមសត្វ ហើយក្នុងនោះចិញ្ចឹមមាន់គឺច្រើនជាងគេ គឺជាង ១.០០០ម៉ែត្រការេ។
តាមរយៈការស្រាវជ្រាវទីផ្សារ លោក Tồn បានដឹងថា សត្វមាន់គឺជាប្រភេទសត្វត្រូវបានគេចិញ្ចឹមច្រើនជាងគេ មិនតែប៉ុណ្ណោះលក់បានថ្លៃនិងមិនធ្លាក់ថ្លៃទៀតផង។ ប៉ុន្តែតាមសំដីរបស់គាត់ គឺបើសិនជាចង់ទទួលបានទិន្នផលខ្ពស់ និងគុណភាពល្អ អ្នកចិញ្ចឹមត្រូវក្តាប់ជាប់បច្ចេកទេសចិញ្ចឹមទើបល្អ។ ដំបូងគឺត្រូវធ្វើរបងសំណាញ់ ដើម្បីមិនឲសត្វមាន់ត្រូវឆ្លងជំងឺពីខាងក្រៅ។ បន្ទាប់មកគឺត្រូវចេះជ្រើសរើសពូជមាន់។ មាន់ដែលគាត់ចិញ្ចឹមគឺជាមាន់ស្រុក ពូជមាន់យកពីខេត្ត Bình Định និងបានជ្រើសរើសពូជមាន់មួយចំនួនទៀតដែលមានកម្លាំងល្អ ផ្តល់ទិន្នផលខ្ពស់… ក្រៅពីនេះ គាត់នៅបានយកចិត្តទុកដាក់ដល់បរិស្ថានចិញ្ចឹមមាន់ទៀតផង ដូចជា ខ្យល់អាកាស, កំរិតសំណើមក្នុងទ្រុង និងនៅកណ្តាលវាល, ពន្លឺ ហើយត្រូវមានចំណីនិងទឹកស្អាត។
លោក Tồn បានឲដឹងថា មាន់ចិញ្ចឹមនៅកណ្តាលវាលត្រូវគេចូលចិត្តច្រើន ហើយថ្លៃលក់ក៏ខ្ពស់ជាងមាន់ឧស្សាហកម្មផងដែរ។ អ្នកចិញ្ចឹមជាច្រើនបានឲដឹងថា ទោះបីជាទិញមាន់ស្រុកថ្លៃជាង ប៉ុន្តែក៏មេផ្ទះជាច្រើនបានស្វែងរកទិញមាន់ប្រភេទនេះ មកពីសាច់វាមិនត្រឹមតែឆ្ងាញ់ពិសាប៉ុណ្ណោះទេ គឺថែមទាំងសុវតិ្ថភាពទៀតផង។
មានចិញ្ចឹមកណ្តាលវាលចិញ្ចឹមប្រមាណតែពី ៣ ទៅ ៤ ខែ គឺអាចលក់បានហើយ, ហើយក្នុងមួយឆ្នាំលក់បានពី ៣ ទៅ៤ ដង មួយដងលក់បានប្រមាណពី ៣ ទៅ៤ តោនឯណោះ។
ប្រែសម្រួលដោយក្រុមចងក្រងភាសាខ្មែរនៃស្ថានីយ៌វិទ្យុះផ្សាយសម្លេងប្រជាជនទីក្រុងហូជីមិញ