ទីក្រុងហូជីមិញ បានសហការជាមួយ ៨ខេត្តក្រុង-Tiếng Khmer 12/04/2019

TPHCM PHỐI HỢP VỚI 8 TỈNH, THÀNH: TĂNG CƯỜNG TẤN CÔNG, TRUY QUÉT CÁC LOẠI TỘI PHẠM

ទីក្រុងហូជីមិញ បានសហការជាមួយ ៨ខេត្តក្រុងសម្រាប់បង្កើនការវាយសម្រុក និងបោសម្អាតបទល្មើសគ្រប់ប្រភេទ

យោងតាមស្នងការនគរបាលទីក្រុងហូជីមិញបានដឹងថា ប៉ុន្មានខែដើមឆ្នាំ ២០១៩ បទល្មើសព្រហ្មទណ្ឌមានចំនួន ៩៥៩​ករណី (ថយ ៨៨ករណីបើប្រៀបធៀបនឹងរយៈពេលដូចគ្នាកាលពីឆ្នាំទៅ), បណ្តាលមនុស្ស ១៧នាក់ត្រូវស្លាប់ មនុស្សចំនួន ១២២ នាក់ត្រូវរងរបួស និងខូចខាតទ្រព្យសម្បត្តិឡើងដល់ជាង ៤១ពាន់លានដុង។

ក្នុងឆ្នាំ ២០១៨ ភូមិសាស្ត្រជាប់នឹងព្រំប្រទល់ជាមួយទីក្រុងហូជីមិញ និងបណ្តាខេត្តក្រុងជិតខាងនោះ កម្លាំងនគរបាលបានសហការគ្នា ធ្វើការស៊ើបអង្កេត និងបញ្ជាក់បាន ៣២៥ករណីល្មើសខាងបទព្រហ្មទណ្ឌ ចាប់បាននិងដោះស្រាយជនល្មើសចំនួន ៥៨៦នាក់ កំចាត់បាន ៨៣ក្រុមជនទុច្ចរិត និងចាប់បានជនល្មើសចំនួន ៣៩១នាក់។

ហើយយោងតាមការណែនាំពីក្រសួងនគរបាល កម្លាំងនគរបាលទីក្រុងហូជីមិញ និងបណ្តាខេត្តក្រុងស្ថិតនៅភាគខាងកើតនៃតំបន់ណាបូ បានចេញប្រតបត្តិការវាយសម្រុក និងបង្ក្រាបយ៉ាងខ្លាំងបទល្មើសច្រើនប្រភេទ។ ក៏ប៉ុន្តែ សកម្មភាពបទល្មើសព្រហ្មទ័ណ្ឌ, បទល្មើសសម្លាប់មនុសុ្ស,​ បង្កររបួសដោយចេតនា, រំលោភផ្លូវភេទ, ប្រឆាំងនឹងសមត្ថកិច្ចនៅមានចំនួនច្រើន។ ហើយមានករណីខ្លះមានលក្ខណៈធ្ងន់ធ្ងរយ៉ាងពិសេស ពិសេសគឺមុខសញ្ញាបែកថ្នាំតែម្តង។

បានដឹងថា ខេត្តឡុងអាន គឺជាតំបន់មួយជាប់នឹងព្រំប្រទល់ជាមួយទីក្រុងហូជីមិញ ជាមាត់ច្រកតភ្ជាប់ជាមួយទីក្រុងហូជីមិញ និងបណ្តាខេត្តស្ថិតនៅភាគខាងលិច និងមានព្រំប្រទល់ជាប់ព្រំដែនជាមួយប្រទេសកម្ពុជា។

រីឯខេត្ត Tây Ninh ក៏មានព្រំប្រទល់ជាប់នឹងទីក្រុងហូជីមិញ, ខេត្ត Bình Phước, Bình Dương, Long An និងប្រទេសកម្ពុជា បានជាខេត្តនេះ បានក្លាយជាទីតាំងឆ្លងកាត់ទំនិញនានា ក្នុងនោះមានទាំងគ្រឿងញៀន។ ជនខិលខូច លក់គ្រឿញៀននៅប្រទេសកម្ពុជា បើសិនជាចង់យកទៅវៀតណាម ត្រូវតែមានអ្នកដឹកជញ្ជូន ហើយតំបន់នាំគ្រឿងមគឺទីក្រុងហូជីមិញ។ សំណុំរឿងពិសេសអំពីគ្រឿងញៀនជាច្រើន ដែលនគរបាលខេត្ត Tây Ninh និងទីក្រុងហូជីមិញ បានសហការគ្នាអនុវត្ត បានកំចាត់ខ្សែរយៈដឹកជញ្ជូនគ្រឿងញៀន និងតាមចាប់ជនល្មើស។

ទោះបីជាការងារប្រឆាំងបទល្មើស, រក្សាសន្តិតសុខសង្គម រវាងបណ្តាតំបន់សម្រេចបានលទ្ធផលសំខាន់ៗជាច្រើន។ ក៏ប៉ុន្តែ ស្ថានភាពបទល្មើសតែងតែមានការប្រែប្រួលយ៉ាងស្មុគ្រស្មាញ បទល្មើសនានា បានធ្វើសកម្មភាពកាន់តែល្អិតល្អន់ជាង និងធ្វើសកម្មភាពទូលំទូលាយ។​ បានជា កិច្ចការទប់ទល់ បោសសម្អាតបទល្មើសនានា នៅតាមតំបន់ជាប់ព្រំប្រទល់រវាងតំបន់មួយនិងតំបន់មួយ បានជួបបញ្ហាលំបាកមិនតិចទេ។

ប្រឈមនឹងស្ថានភាពសន្តិភាព នយោបាយ និងសណ្តាប់ធ្នាប់សង្គមកាន់តែប្រែប្រួលយ៉ាងស្មុគ្រស្មាញនៅតាមតំបន់ជាប់ព្រំប្រទល់នោះ រយៈពេលខាងមុខ​កម្លាំងនគរបាលទីក្រុងហូជីមិញ និងខេត្តមួយចំនួននៅជិតខាង នឹងបន្តបង្កើនកិច្ចការជំនាញមួយចំនួន ប្រមូលផ្តុំកម្លាំងធ្វើការស៊ើបអង្កេត; ត្រួតពិនិត្យក្រុមជនទុច្ចរិតកំពុងធ្វើសកម្មភាពក្នុងតំបន់ជាប់ព្រំប្រទល់ សម្រាប់មានផែនការកំចាត់។​ព្រមទាំង សហការជាមួយគ្នា បើកយុទ្ធនាការកំចាត់ និងបង្ក្រាបបទល្មើសគ្រប់ប្រភេទ នាំមកភាពសុខសាន្ត ជូនប្រជាជន៕

 

 

.mp3

VOH

Bình luận

Cùng chuyên mục

Đọc Báo