ដកហូតសាច់ជ្រូកកើតផ្សិតជិត ៣០០គីឡូក្រាមកំពុងបានដឹកទៅលក់-Tiếng Khmer 16/03/2019

ព័ត៍មាននៅក្នុងប្រទេស

.យុទ្ធនាការម៉ោងផែនដីប្រចាំឆ្នាំ ២០១៩៖ បុគ្គលមួយរូបៗនឹងជាអ្នកតំណាងមួយសម្រាប់ការពារបរិស្ថាន

ពិធីចេញប្រតិបត្តិការនៃយុទ្ធនាការម៉ោងផែនដីប្រចាំឆ្នាំ ២០១៩ នឹងត្រូវបានអនុវត្តនៅថ្ងៃទី ១៧​ខែមិនា នៅក្នុងអាគារវប្បធម៌យុវជនទីក្រុងហូជីមិញ និងបានបំផុសនៅតាមខណ្ឌស្រុកនានា សម្រាប់គាំទ្រជាមួយ ៦៣ខេត្តក្រុងក្នុងទូទាំងប្រទេស។

បានដឹងថា រាត្រីជាផ្លូវការដែលគាំទ្រការបិតភ្លើងជាមួយពិភពលោកទាំងមូលក្រោមប្រធានបទ “រួមដៃគ្នាដើម្បីបិតភ្លើងលើទូទាំងពិភពលោក” នឹងបានប្រព្រឹត្តិឡើងចាប់ពីម៉ោង ៦យប់ ដល់ម៉ោង ១០យប់ ថ្ងៃទី ៣០ខែមិនាឆ្នាំ ២០១៩ នៅក្នុងអាគារវប្បធម៌យុវជន ហើយតាមការប៉ាន់ស្មាន នឹងទាក់ទាញយុវជន និងប្រជាជនចូលរួមជាង ៥.០០០នាក់ អមជាមួយនូវភារកិច្ចសំខាន់គឺ បំផុសប្រជាជនឲ្យបិតភ្លើងព្រមៗគ្នាក្នុងរយៈពេលមួយម៉ោងលើទូទាំងពិភពលោក។

.វះកាត់យកដំគិះមានទំហំធំខ្លាំង បានសង្កត់លើផ្លូវដកដង្ហើមជូនអ្នកជំងឺមួយរូបដោយជោគជ័យ

អ្នកជំងឺនារីមួយរូប មានដំគិះមួយទំងន់ដល់ទៅ ១៥គីឡូក្រាម បន្ទាប់ពីបានវះកាត់យកចេញដោយជោគជ័យ ក៏ដឹងខ្លួនឡើងវិញ នឹងត្រូវបានបញ្ជូនទៅផ្នែកជំងឺទូទៅនៃមន្ទីរពេទ្យមហារីកទីក្រុង សម្រាប់តាមដានសុខភាពក្រោយវះកាត់។

បានដឹងថា នេះជាករណីវះកាត់ដោយពិបាក មកពីដុំគិះនេះមានទំហំធំខ្លាំង និងមានស្រោមជាប់ស្អិតនឹងជញ្ជាំងពោះផ្នែកខាងក្រោមថ្លើម និងជាប់នឹងសរីរាង្គផ្សេងៗក្នុងប្រហោងពោះ បានជាការវះកាត់នេះ បានអនុវត្តឡើងយ៉ាងលំបាកខ្លាំង។ ហើយតាមសំដីរបស់លោកវេជ្ជបណ្ឌិត ដែលបានប៉ាន់ស្មានថា អ្នកជំងឺនេះ អាចរស់នៅបន្តបានជាង ៥ ឆ្នាំទៀតប៉ុណ្ណោះ។

.ដកហូតសាច់ជ្រូកកើតផ្សិតជិត ៣០០គីឡូក្រាមកំពុងបានដឹកទៅលក់

បន្ទាប់ពីបានទទួលដំណឹងភ្លាម, នគរបាលស្រុក Bảo Lâm នៃខេត្ត Lam Dong បានធ្វើការឆែកឆេរឡានមួយគ្រឿង ព្រមទាំងរកឃើញសាច់ជ្រូកកំពុងដុះផ្សិតជិត ៣០០គីឡូក្រាម ភាគច្រើនកំពុងស្ថិតក្នុងរយៈពេលរលួយ បានដឹកទៅលក់ឲ្យម៉ូយមួយរូប ក្នុងភូមិសាស្ត្រឃុំ Lộc An សម្រាប់លក់បន្ត។ រយៈពេលពិនិត្យ តៃកុងឡានមិនបានបង្ហាញលិខិតត្រឹមត្រូវ បញ្ជាក់អំពីប្រភពស្រពច្បាប់របស់ទំនិញទាំងនេះទេ។ ហើយករណីល្មើសនេះ កំពុងត្រូវបានស្ថាប័នមានសមត្ថកិច្ចធ្វើការដោះស្រាយតាមការកំណត់របស់ច្បាប់។

.កុមារកើតជំងឺទឹកក្នុងខួរក្បាលនឹងបានវះកាត់ដោយឥតយកថ្លៃ

កម្មវិធីវះកាត់ឥតយកថ្លៃដល់កុមារកើតជំងឺទឹកក្នុងខួរក្បាល អនុវត្តដោយមូលនិធិបេះដូង Hằng Hữu សហការជាមួយផ្នែកជំនាញនៃមន្ទីរពេទ្យកុមារទី១ និងមន្ទីរពេទ្យ Cho Ray នៃទីក្រុងហូជីមិញ។ បានដឹងថា វេជ្ជបណ្ឌិត ២ រូបនៃមន្ទីរពេទ្យទាំង ២ នេះ អាចវះកាត់បានជូនដល់កុមារដែលកើតជំងឺទឹកក្នុងខួរក្បាលដោយថ្លៃថោកជាងច្រើន បើប្រៀបធៀបនឹងនាំក្មេងទៅវះកាត់នៅបរទេស។ ហើយតាមការប៉ាន់ស្មាន នឹងមានកុមារកើតជំងឺនេះប្រមាណ ៥០០នាក់ នឹងបានទទួលការវះកាត់។ ក្រុមគ្រួសារដែលមានកូនកើតជំងឺទឹកក្នុងខួរក្បាល អាចអញ្ជើញមកចុះបញ្ជីក្នុងមន្ទីរពេទ្យ Cho Rayឬ មន្ទីរពេទ្យកុមារទី ១ នៃទីក្រុងហូជីមិញ។

 

ព័ត៍មានអន្តរជាតិ

.ប្រទេសចិនបានស្នើរឲ្យគណៈនាយកសាលាត្រូវទទួលទានអាហាររួមជាមួយសិស្ស សម្រាប់បង្កើនសុវត្ថិភាពអាហារ។

គណៈនាយកសាលាទាំងអស់នៅក្នុងប្រទេសចិន គួរតែទទួលទានអាហារជាមួយសិស្ស សម្រាប់បង្កើនសុវត្ថិភាពអាហាក្នុងសាលារៀន។

នេះជាខ្លឹមសារ បានប្រកាសដោយក្រសួងអប់រំ, គណៈកម្មាធិការសុខភាពជាតិនៃប្រទេសចិន និងស្ថាប័នគ្រប់គ្រងទីផ្សារនៃប្រទេសចិន​។ ហើយការកំណត់នេះនឹងចូលជាសុពលភាពចាប់ពីថ្ងៃទី​១ ខែមេសាតទៅ។

.អាមេរិក៖ ជនចំណាកស្រុកប្រឈមនឹងហានិភ័យត្រូវបណ្តេញចេញពីអាមេរិក មកពីការរាតត្បាតនៃជំងឺ

ស្ថាប័នអន្តោប្រវែសន៍ និងគយនៃសហរដ្ឋអាមេរិកបានឲ្យដឹងថា ជនចំណាកស្រុករាប់ពាន់នាក់ មកពីបណ្តាប្រទេសអាមេរិកកណ្តាល អាចត្រូវប្រឈមនឹងហានិភ័យ ត្រូវបណ្តេញចេញពីសហរដ្ឋអាមេរិក មកពីត្រូវកើតជំងឺ ឬ​សង្ស័យថាត្រូវកើតជំងឺផ្តាសាយធំ, ជំងឺកញ្ជ្រិល និងជំងឺសាលាទែន ដែលកំពុងផ្ទុះឡើងក្នុងបណ្តាមជ្ឈមណ្ឌលឃាត់ខ្លួនជនចំណាកស្រុកទាំងនេះ។

.អង្គការ WHO បានប្រកាស់ផែនការទប់ទល់នឹងការរាតត្បាតដ៏ធំទូលាយនៃជំងឺគ្រុនផ្តាសាយ

អង្គការសុខាភិបាលពិភពលោក បានមានអនុសាសន៍ថា ពិភពលោកនឹងត្រូវប្រឈមមុខនឹង ការរាតត្បាតដ៏ធំទូលាយនៃជំងឺគ្រុនផ្តាសាយថ្មី និងចាំបាច់ត្រូវរៀបចំទប់ទល់នឹងផលអាក្រក់នៃការរាតត្បាតលើកនេះ ព្រមទាំង មិនត្រូវវាយតម្លៃទាប ចំពោះហានិភ័យនានាដែលអាចកើតមានមហាជំងឺនោះទេ

បានដឹងថា ផែនការថ្មីបំផុតរបស់អង្គការ WHO រួមមាន បណ្តាវិធានការណ៍ខិតខំការពារប្រជាជនដោយអតិបរមា រួចផុតពីផលអាក្រក់នៃជំងឺ ព្រមទាំងរៀបចំកម្មវិធីនានា សម្រាប់ទប់ទល់នឹងការរាតត្បាតនៃជំងឺនេះ។

THÍ ĐIỂM TIÊM CHỦNG SỞI NGAY TẠI CÁC

BỆNH VIỆN CHUYÊN KHOA NHI

សាកល្បងចាក់វ៉ាក់សាំងការពារជំងឺកញ្ជ្រិលនៅនឹងបណ្តាមន្ទីរពេទ្យកុមារ

ប្រឈមនឹងស្ថានភាពនៅតំបន់មួយចំនួនមានកុមារពី ៥ ដល់ ២០% មិនទាន់បានចាក់វ៉ាក់សាំងការពារជំងឺកញ្ជ្រិល លើកទី ១ និងទី ២​ ដែលជាមូលហេតុសំខាន់ បណ្តាលឲ្យជំងឺកញ្ជ្រិលមិនទាន់ស្រាកស្រាលនៅឡើយ មិនតែប៉ុណ្ណោះ ផ្នែកសុខាភិបាលទីក្រុងកំពុងប្រឈមមុខនឹងកង្វល់ជាច្រើន ដូចជាជំងឺគ្រុនឈាមនៅតែប្រែប្រួលយ៉ាងស្មុគ្រ័ស្មាញ។ល។

យោងតាមសេចក្តីរាយការណ៍ពីមន្ទីរសុខាភិបាលទីក្រុងហូជីមីញ គឺបច្ចុប្បន្ននេះ អត្រាកុមារបានចាក់វ៉ាក់សាំងការពារជំងឺកញ្ជ្រិលលើកទី ១​ ប៉ាន់ស្មានសម្រេចបាន ៩៦% និងលើកទី២ សម្រេចបាន ៨០%។ ហើយអត្រានេះនៅឆ្ងាយណាស់ បើធៀបនឹងគោលដៅដែលបានដាក់ចេញ គឺត្រូវសម្រចបាន ៩៥% នៃចំនួនកុមារបានចាក់វ៉ាក់សាំងនេះ។

យោងតាមការណែនាំពីក្រសួងសុខាភិបាលនោះ គឺផ្នែកសុខាភិបាលទីក្រុងក៏បានអនុវត្តយុទ្ធនាការចាក់បន្ថែមវ៉ាក់សាំងការពារជំងឺកញ្ជ្រិល និង rubella ដល់កុមារអាយុពី ១​ដល់ ៥ ឆ្នាំ មានប្រមាណពី ៣០០.០០០កុមារ ស្ថិតក្នុងវ័យមិនទាន់បានចាក់វ៉ាក់សាំងការពារ​ឬ មិនទាន់ច្បាស់នូវប្រតិទិនចាក់វ៉ាក់សាំងការពារ។ ក៏ប៉ុន្តែ ក្រោយរយៈពេលអនុវត្តយ៉ាងសកម្ម ការចាក់វ៉ាក់សាំងការពារជំងឺពេញក្នុងទីក្រុង សម្រេចបានតែ ៨៥%ប៉ុណ្ណោះ។

នៅតាបមណ្តាមណ្ឌលសុខភាព-ដែលជាចំណុចសំខាន់​ នៃការចាក់វ៉ាក់សាំងការពារជំងឺបើកទូលាយនោះ គឺការចុះបញ្ជីឈ្មោះកុមារនារយៈពេលខាងមុខមិនទាន់គ្រប់ចំនួននៅឡើយ។

ហើយប្រឈមនឹងស្ថានភាពនៃការរាតត្បាតរបស់ជំងឺកញ្ជ្រិលកំពុងប្រែប្រួលយ៉ាងស្មុ័គ្រស្មាញនោះ ផ្នែកសុខាភិបាលទីក្រុង បានដាក់ចេញនូវដំណោះស្រាយជាក់ស្តែងមួយចំនួន ដូចជានឹងបង្កើតក្រុមចាក់វាក់សាំងចល័ត ស្វែងរកគ្រប់វិធី និងបំបិតឲ្យបានចន្លោះខ្វះខាតនានា នៃការចាក់វ៉ាក់សាំង និងត្រូវរាំងខ្ទប់ការរីករាលដាលនៃជំងឺកញ្ជ្រិល។ ទន្ទឹមនឹងនេះ មន្ទីរសុខាភិបាល នឹងសាកល្បងអនុវត្តការចាក់វ៉ាក់សាំងការពារជំងឺនៅមន្ទីរពេទ្យកុមារទី ១, ទី ២ មន្ទីរពេទ្យកុការទីក្រុង និងមន្ទីរពេទ្យត្រូពិកតែម្តង ដល់កុមារទាំងអស់អាយុក្រោម ៥ ឆ្នាំ ដែលមិនទាន់បានចាក់វ៉ាក់សាំងការពារជំងឺកញ្ជ្រិល ឬ មិនទាន់បានចាក់វ៉ាក់សាំងគ្រប់គ្រាន់មុនពេលចេញពីមន្ទីរពេទ្យ, រៀបចំបើកអង្គប្រជុំវាយតម្លៃការងារដំបូង នៃ ៦ខែអនុវត្តសាកល្បង និងអនុវត្តទូលំទូលាយដល់បណ្តាមន្ទីរពេទ្យនៅសល់ក្នុងទីក្រុង។

លោកវេជ្ជបណ្ឌិត Trương Hữu Khanh បំពេញការងារនៅមន្ទីរពេទ្យកុមារទី ១​បានឲ្យដឹងថា៖ បើសិនជាចង់ត្រួតពិនិត្យជំងឺរីករាលដាលយ៉ាងណា ទីមួយគឺត្រូវតែមានការហ្វឹកហ្វឺន និងត្រូវផ្តល់ព័ត៍មានឆាប់បំផុតដល់គ្រូពេទ្យ តាំងពីពេលកុមារចាប់ផ្តើមមានសញ្ញាគ្រុនក្តៅ និងក្អក គឺសំខាន់ខ្លាំងណាស់។ មានអ្នកជំងឺមួយចំនួន នៅពេលក្នុងខ្លួនកើតជំងឺផ្សេងហើយ ហើយបើសិនជាកើតបន្ថែមជំងឺកញ្ជ្រិលទៀត គឺងាយស្លាប់ណាស់។

និយាយរួមទៅ ការចាក់វ៉ាក់សាំងការពារជំងឺជូនកុមារ គឺមិនត្រឹមតែសម្រាប់ការពារកុមារប៉ុណ្ណោះទេ នៅបានជួយការពារកុមារក្នុងវ័យចំណាស់ទៀតផង។ ដំណោះស្រាយសំខាន់ៗ គឺត្រូវតែចាក់វ៉ាក់សាំងការពារដល់កុមារគ្រប់អាយុ ចាប់ពី ៩ខែ, ១២​ខែ ជាង ១​ ខួប រហូតដល់ ៥ខួប។ ផ្នែកសុខាភិបាល បានបង្ករលក្ខណៈងាយស្រួលបំផុត តាំងពីការចាក់វ៉ាក់សាំងការពារជំងឺជូនដល់កុមារគ្រប់វ័យ រហូតដល់យុទ្ធនាការចាក់វ៉ាក់សាំងដល់កុមារនៅសល់…ជាដើម។ ​បើសិនជាកើតជំងឺកញ្ជ្រិលហើយ តែនៅកើតបន្ថែមជំងឺផ្សេងៗទៀត ឬ បានឆ្លងជំងឺដល់កុមារផ្សេងដែលកំពុងកើតជំងឺផ្សេងដូចជា រលាកសួត, រលាកស្រោមខួរ, មាត់ដៃជើង ឬ ជំងឺគ្រុនឈាម គឺគ្រោះថ្នាក់ខ្លាំងណាស់​ អាចស្លាប់បាត់បង់បង់ជីវិតក៏អាចមានដែរ ដូច្នេះហើយ សូមមាតាបីតា គួរនាំកូនខ្លួនទៅចាក់វ៉ាក់សាំងការជំងឺកញ្ជ្រិលទើបល្អ៕

 

 

 

VOH

Bình luận

Cùng chuyên mục

Đọc Báo