ខិតខំបន្ថយប្រើប្រាស់ស្បោងនីឡុងពិបាករំលាយ-Tiếng Khmer 23/03/2018

ព័ត៍មាននៅក្នុងប្រទេស

១.លោកនាយករដ្ឋមន្ត្រី បានប្រគល់ដល់ក្រសួងនគរបាល ត្រូវស៊ើបអង្កេតករណីសិស្សត្រូវផ្ទុកពងតេញ៉ាជ្រូកនៅក្នុងខេត្ត Bc Ninh

ថ្មីៗនេះ ខុទ្ទកាល័យរដ្ឋាភិបាលបានមានលិខិតណែនាំបង្គាប់ការរបស់លោកនាយករដ្ឋមន្ត្រី  ស្តីអំពីស្ថានភាពជំងឺពងតេញ៉ាជ្រូកកើតឡើងក្នុងតំបន់មួយចំនួន។

យោងតាមនោះ ចំពោះស្ថានភាពកុមារផ្ទុកតេញ៉ាក្នុងតំបន់មួយចំនួន និងម្ចាស់ការការពារ ទប់ស្កាត់ជំងឺនេះ លោកនាយករដ្ឋមន្ត្រី បានបង្គាប់ការដល់ក្រសួងសុខាភិបាល ត្រូវចាត់ក្រុមការងារមួយក្រុម មកខេត្ត Bắc Ninh និងខេត្តមួយចំនួនទៀតសម្រាប់បង្គាប់ការការពារ ទប់ស្កាត់នឹងជំងឺនេះ។  ព្រមទាំង បង្កើនកិច្ចការអនាម័យសុវត្ថិភាពអាហារ; បង្គាប់ការដល់មណ្ឌលសុខភាពនានា ត្រូវផ្តល់ប្រដាប់ប្រដារ និងថ្នាំសង្កូវនានា សម្រាប់ពិនិត្យនិងព្យាបាលជំងឺជូនប្រជាជន។

.វះកាត់យកដំគិះមានទំហំធំខ្លាំង បានសង្កត់លើផ្លូវដកដង្ហើមជូនអ្នកជំងឺមួយរូបដោយជោគជ័យ

អ្នកជំងឺនារីមួយរូប មានដំគិះមួយទំងន់ដល់ទៅ ១៥គីឡូក្រាម បន្ទាប់ពីបានវះកាត់យកចេញដោយជោគជ័យ ក៏ដឹងខ្លួនឡើងវិញ នឹងត្រូវបានបញ្ជូនទៅផ្នែកជំងឺទូទៅនៃមន្ទីរពេទ្យមហារីកទីក្រុង សម្រាប់តាមដានសុខភាពក្រោយវះកាត់។

បានដឹងថា នេះជាករណីវះកាត់ដោយពិបាក មកពីដុំគិះនេះមានទំហំធំខ្លាំង និងមានស្រោមជាប់ស្អិតនឹងជញ្ជាំងពោះផ្នែកខាងក្រោមថ្លើម និងជាប់នឹងសរីរាង្គផ្សេងៗក្នុងប្រហោងពោះ បានជាការវះកាត់នេះ បានអនុវត្តឡើងយ៉ាងលំបាកខ្លាំង។ ហើយតាមសំដីរបស់លោកវេជ្ជបណ្ឌិត ដែលបានប៉ាន់ស្មានថា អ្នកជំងឺនេះ អាចរស់នៅបន្តបានជាង ៥ ឆ្នាំទៀតប៉ុណ្ណោះ។

៣.កុមារកើតជំងឺទឹកក្នុងខួរក្បាលនឹងបានវះកាត់ដោយឥតយកថ្លៃ

កម្មវិធីវះកាត់ឥតយកថ្លៃដល់កុមារកើតជំងឺទឹកក្នុងខួរក្បាល អនុវត្តដោយមូលនិធិបេះដូង Hằng Hữu សហការជាមួយផ្នែកជំនាញនៃមន្ទីរពេទ្យកុមារទី១ និងមន្ទីរពេទ្យ Cho Ray នៃទីក្រុងហូជីមិញ។ បានដឹងថា វេជ្ជបណ្ឌិត ២ រូបនៃមន្ទីរពេទ្យទាំង ២ នេះ អាចវះកាត់បានជូនដល់កុមារដែលកើតជំងឺទឹកក្នុងខួរក្បាលដោយថ្លៃថោកជាងច្រើន បើប្រៀបធៀបនឹងនាំក្មេងទៅវះកាត់នៅបរទេស។ ហើយតាមការប៉ាន់ស្មាន នឹងមានកុមារកើតជំងឺនេះប្រមាណ ៥០០នាក់ នឹងបានទទួលការវះកាត់។ ក្រុមគ្រួសារដែលមានកូនកើតជំងឺទឹកក្នុងខួរក្បាល អាចអញ្ជើញមកចុះបញ្ជីក្នុងមន្ទីរពេទ្យ Cho Rayឬ មន្ទីរពេទ្យកុមារទី ១ នៃទីក្រុងហូជីមិញ។

៤.ខិតខំបន្ថយប្រើប្រាស់ស្បោងនីឡុងពិបាករំលាយ

យោងតាមមន្ទីរធនធាន និងបរិស្ថានទីក្រុងហូជីមិញ ក្នុងឆ្នាំ ២០១៩​នេះ ទីក្រុងនឹងខិតខំសម្រេចឲ្យបានគោលដៅសំខាន់ៗ ២​គឺ៖ បន្ថយការប្រើប្រាស់ស្បោងនីឡុងពិបាករលាយ បានប្រើនៅតាមបណ្តាផ្សារធំទំនើប និងមជ្ឈមណ្ឌលពាណិជ្ជកម្មចំនួន ៦៥% និងបន្ថយចំនួន ៥០% នៃការប្រើប្រាស់ស្បោងនីឡុងពិបាករំលាយនៅតាមបណ្តាផ្សារធម្មតា បើប្រៀបធៀបនឹងឆ្នាំ ២០១០; ប្រមូលផ្តុំ និងកែច្នៃឡើងវិញស្បោងនីឡុងពិបាករំលាយក្នុងការប្រជុំជីវភាពប្រចាំថ្ងៃចំនួន ៥០%។

ព័ត៍មានអន្តរជាតិ

.ប្រទេសចិនបានស្នើរឲ្យគណៈនាយកសាលាត្រូវទទួលទានអាហាររួមជាមួយសិស្ស សម្រាប់បង្កើនសុវត្ថិភាពអាហារ។

គណៈនាយកសាលាទាំងអស់នៅក្នុងប្រទេសចិន គួរតែទទួលទានអាហារជាមួយសិស្ស សម្រាប់បង្កើនសុវត្ថិភាពអាហាក្នុងសាលារៀន។

នេះជាខ្លឹមសារ បានប្រកាសដោយក្រសួងអប់រំ, គណៈកម្មាធិការសុខភាពជាតិនៃប្រទេសចិន និងស្ថាប័នគ្រប់គ្រងទីផ្សារនៃប្រទេសចិន​។ ហើយការកំណត់នេះនឹងចូលជាសុពលភាពចាប់ពីថ្ងៃទី​១ ខែមេសាតទៅ។

.បិតផ្លាកសញ្ញាព្រមានអំពីផលអាក្រក់ចំពោះអាហារលឿន

តាមគម្រោងការ ក្រសួងសុខាភិបាលនៃប្រទេសអាហ្វ្រកខាងត្បូង នឹងមានសេចក្តីកំណត់ បង្ខំឲ្យបិតផ្លាកសញ្ញាព្រមានអំពីផលអាក្រក់ដល់សុខភាព លើកញ្ជប់អាហារលឿននៅចុងឆ្នាំ ២០១៩ ឬនៅដើមឆ្នាំ ២០២០។ ហើយតាមការស្រាវជ្រាវពីអង្គការសុខាភិបាលពិភពលោក គឺក្នុងឆ្នាំ ២០១៦ មនុស្សពេញវ័យប្រមាណ ២៨,៣%​នៅក្នុងប្រទេសនេះ ត្រូវធាត់ហួសទំងន់។ ហើយនេះជាអត្រាមនុស្សធាត់ហួសទំងន់ខ្ពស់បំផុត នៃបណ្តាប្រទេសស្ថិតនៅភាគខាងត្បូងវាលខ្សាច់ Sahara។

.អង្គការ WHO បានប្រកាស់ផែនការទប់ទល់នឹងការរាតត្បាតដ៏ធំទូលាយនៃជំងឺគ្រុនផ្តាសាយ

អង្គការសុខាភិបាលពិភពលោក បានមានអនុសាសន៍ថា ពិភពលោកនឹងត្រូវប្រឈមមុខនឹង ការរាតត្បាតដ៏ធំទូលាយនៃជំងឺគ្រុនផ្តាសាយថ្មី និងចាំបាច់ត្រូវរៀបចំទប់ទល់នឹងផលអាក្រក់នៃការរាតត្បាតលើកនេះ ព្រមទាំង មិនត្រូវវាយតម្លៃទាប ចំពោះហានិភ័យនានាដែលអាចកើតមានមហាជំងឺនោះទេ

បានដឹងថា ផែនការថ្មីបំផុតរបស់អង្គការ WHO រួមមាន បណ្តាវិធានការណ៍ខិតខំការពារប្រជាជនដោយអតិបរមា រួចផុតពីផលអាក្រក់នៃជំងឺ ព្រមទាំងរៀបចំកម្មវិធីនានា សម្រាប់ទប់ទល់នឹងការរាតត្បាតនៃជំងឺនេះ។

 

ẤU TRÙNG SÁN LỢN SẼ BỊ TIÊU DIỆT KHI ĐUN SÔI 100 Độ C TRONG VÒNG 2 PHÚT

ពងតេញ៉ាជ្រូកនឹងបានកំចាត់ចោលនៅពេលបានដាំក្នុងទឹកក្តៅ ១០០អង្សាសេ ក្នុង ២នាទី

យោងតាមនាយកដ្ឋានសុខាភិបាល (នៃក្រសួងសុខាភិបាល) គឺពងតេញ៉ាជ្រូកនឹងត្រូវបានកំចាត់ចោល នៅពេលបានដាំក្នុងទឹកក្តៅកំរិត ៧៥អង្សាសេក្នុងរយៈពេល ៥ នាទី ឬ ដាំក្នុងទឹកក្តៅកំរិត ១០០អង្សាសេក្នុងរយៈពេល ២ នាទី។

នាយកដ្ឋានសុខាភិបាលបង្ការរោគបានជូនដំណឹងថា មានពងតេញ៉ាជ្រូកក្នុងខ្លួន គឺមកពីទទួលទានអាហារមានពងតេញ៉ាស្រាប់ ឬ មានកូនតេញ៉ា(ដូចជានៅក្នុងសាច់ជ្រូកចុងអង្ករ)មិនទាន់បានដាំឆ្អិនល្អ។តាមធម្មតា ពងតេញ៉ានឹងងាប់អស់ នៅពេលបានដាំក្នុងកម្តៅ ៧៥អង្សាសេក្នុងរយៈពេល ៥ នាទី​ ឬ បានដាំក្នុងកម្តៅ ១០០អង្សាសេក្នុងរយៈពេល ២ នាទី។

ប៉ុន្មានថ្ងៃកន្លងទៅ មានកុមារជាច្រើននៅស្រុក Thuận Thành ខេត្ត Bắc Ninh ត្រូវបានមាតាបីតានាំទៅមន្ទីរពេទ្យធ្វើការវិភាគស្វែងរកពងតេនញ៉ាក្នុងខ្លួន។

បានដឹងថា ជំងឺតេញ៉ា និងពងតេញ៉ាជ្រូកវត្តមាននៅក្នុងប្រទេសជាច្រើនលើទូទាំងពិភពលោក អ្នកដែលកើតជំងឺនេះ ភាគច្រើនពាក់ព័ន្ធដល់ទំលាប់បរិភោគអាហារ និងទទួលទានអាហារមានសាច់ជ្រូកមិនទាន់បានដាំឆ្អិន។

រីឯនៅប្រទេសវៀតណាមវិញ ជំងឺនេះបានកើមានឡើងក្នុងគ្រប់តំបន់ក្នុងទូទាំងប្រទេស។ បើយោងតាមតួលេខនៃសេចក្តីរាយការណ៍ពីបណ្តាមន្ទីរពេទ្យ គឺមកដល់ពេលនេះ មានយ៉ាងតិច ៥៥​ខេត្តក្រុងមានអ្នកកើតជំងឺតេញ៉ាជ្រូកហើយ។

ដើម្បីបានដឹងថា ខ្លួនមានកើតជំងឺមានតេញ៉ា ឬ មានពងតេញ៉ាជ្រូកក្នុងខ្លួនឬទេ ចាំបាច់ត្រូវយោងលើបណ្តាសញ្ញាដូចជា៖ បទជើងធំចេញកង់កង់តេញ៉ា, ច្របូលច្របល់ផ្លូវរំលាយអាហារ, ឈឺពោះរយៈពេលយូរ។ល។ និងយោងលើលទ្ធផលនៃការវិភាគមួយចំនួន។ ជំងឺមានតេញ៉ាជ្រូកក្នុងខ្លួន បានព្យាបាលជាដោយថ្នំ Praziquantel និង Albendazole។ ហើយអ្នកជំងឺចាំបាច់ត្រូវបានទទួលការវិនិច្ឆ័យឲ្យបានឆាប់ សម្រាប់ព្យាបាលទាន់ពេលវេលា ជៀសវាងឆ្លងទៅសហគមន៍។ ដើម្បីម្ចាស់ការការពារកើតពងតេញ៉ាជ្រូកក្នុងខ្លួន នាយដ្ឋានសុខាភិបាលបង្ការរោគបានជូនអនុសាសន៍ដល់ប្រជាជនជនថា៖

-ត្រូវទទួលទានអាហារ និងផឹកទឹកបានចម្អិន អាហារត្រូវតែដាំឲ្យឆ្អិនល្អ និងធ្វើម្ហូបឲ្យមានអនាម័យ។

-មិនត្រូវយកសាច់ជ្រូកមានជំងឺសម្រាប់ធ្វើអាហារ។ មិនទទួលទានសាច់ជ្រូកមិនទាន់ដាំឆ្អិន និងណែមជូ (ដែលហានិភ័យអាចមានពងតេញ៉ា) មិនទទួលទានបន្លែឆៅមិនធានាអនាម័យ។

-ត្រូវគ្រប់គ្រងជីស្រស់បានល្អ ពិសេសគឺនៅតំបន់កំពុងមានមនុស្សកើតតេញ៉ាក្នុងខ្លួន។ ត្រូវប្រើបង្គន់អនាម័យ និងមិនចិញ្ចឹមជ្រូកនៅតាមវាល។

-អ្នកដែលមានតេញ៉ាក្នុងខ្លួន ត្រូវ​បានទទួលការព្យាបាល និងមិនត្រូវបទជើងធំពាសវាលពាសកាល៕

 

 

 

 

 

VOH

Bình luận

Cùng chuyên mục

Đọc Báo