កាត់ទោសប្រហារជីវិតជនដឹកជញ្ជូនគ្រឿងញៀនជិត ១០គីឡូក្រាម-Tiếng Khmer 15/03/2019

ព័ត៍មាននៅក្នុងប្រទេស

១.នឹងត្រួតពិនិត្យឲ្យតឹងរឹងសាច់ជ្រូកនាំចូលលក់ក្នុងទីក្រុងហូជីមិញ

ប្រឈមនឹងស្ថានភាពជំ​ងឺប៉ែសជ្រូកអាហ្វ្រិកកំពុងរីករាលដាល់យ៉ាងឆាប់រហ័ស មិនទាន់មានសញ្ញាបង្អាក់នោះ គណៈកម្មាធិការប្រជាជនទីក្រុងហូជិមិញ បានកោះអង្គប្រជុំជាមួយតំណាងមកពី ២៤ខណ្ឌស្រុក មន្ទីរនិងផ្នែកនានា អំពីការការពារទប់ទល់នឹងការរាតត្បាតនៃជំងឺនេះ។

មានប្រសាសន៍បង្គាប់ការក្នុងអង្គប្រជុំ លោក Lê Thanh Liêm ជាអនុប្រធានអចិន្ត្រៃនៃគណៈកម្មាធិការប្រជាជនទីក្រុងហូជីមិញបានគូសបញ្ជាក់ថា មូលដ្ឋាន, មន្ទីរនិងផ្នែកននា មិនត្រូវបណ្តែតបណ្តោយ មិនត្រូវខ្វះការប្រុងប្រយ័ត្ននោះទេ ហើយតំបន់ណាបណ្តោយឲ្យជំងឺនេះរាតត្បាតនោះ គឺប្រធានគណៈកម្មាធិការខណ្ឌស្រុកនោះ ត្រូវទទួលខុសត្រូវចំពោះគណៈកម្មាធិការប្រជាជនទីក្រុង។

.ដឹកជញ្ជូនគ្រឿញៀនម៉ាទឹកកកចំនួន ៦គីឡូក្រាមខុសច្បាប់ពីប្រទេសឡាវចូលប្រទេសវៀតណាម

ថ្មីៗនេះ កងទ័ពការពារព្រំដែនខេត្ត Thanh Hóa បានសហការជាមួយកម្លាំងមានសមត្ថកិច្ចនានា ចាប់បានទាំងវត្ថុតាងឈ្មោះ Thao Chống Lâu កើតនៅឆ្នាំ ១៩៦៥ មានអាស័យដ្ឋាននៅភូមិ Kéo Té ឃុំ Nhi Sơn ស្រុក Mường Lát នៃខេត្ត Thanh Hóa កំពុងនាំយកតាមខ្លួនគ្រឿងញៀនម៉ាទឹកកកខុសច្បាប់ចំនួន ៦ គីឡូក្រាម។ ហើយក្រោយពីសួរចំឡើយ ឈ្មោះនេះបានសារភាពថា ខ្លួនបានទិញគ្រឿងញៀននេះ ពីបុរសជនជាតិឡាវមួយរូបមិនដឹងឈ្មោះ​ រួចនាំទៅលក់នៅវៀតណាម សម្រាប់រកចំណេញ។ ហើយបច្ចុប្បន្ននេះ កម្លាំងមានសមត្ថកិច្ចកំពុងស៊ើបការបន្ត សម្រាប់ដោះស្រាយតាមការកំណត់របស់ច្បាប់។

.កាត់ទោសប្រហារជីវិតជនដឹកជញ្ជូនគ្រឿងញៀនជិត ១០គីឡូក្រាម

ថ្មីៗនេះ តុលាការខេត្ត Tây Ninh បានបើកសវនាការកាត់ក្តីសាលាដំបូង វិនិច្ឆ័យទោសករណីដឹកជញ្ជូនគ្រឿងញៀនក្នុងចំនួនដ៏ច្រើន។ បន្ទាប់ពីពិភាក្សា ក្រុមជំនុំជំរះវិនិច្ឆ័យទោសឈ្មោះ Phạm Hoài Nhân (កើតនៅឆ្នាំ ១៩៩៥ ស្នាក់នៅភូមិ Long An ឃុំ Long Thuận ស្រុក Bến Cầu ខេត្តTây Ninh) ត្រូវប្រហារជីវិត អំពីបទល្មើស “ដឹកជញ្ជូនគ្រឿងញៀនខុសច្បាប់”។ បើយោងតាមសំណុំរឿង កាលពីថ្ងៃទី៣០ ខែតុលា​ឆ្នាំ ២០១៨ ឈ្មោះ Nhân បានជិះម៉ូតូទៅកម្ពុជាលេងបៀ ហើយបានជួបឈ្មោះ Tâm (មិនស្គាល់ប្រវត្តិ)​ជួលឲ្យដឹកជញ្ជូនគ្រឿងញៀនម៉ាទឹកកក់ជិត ១០គីឡូក្រាម ពីកម្ពុជាទៅវៀតណាម ដោយថ្លៃឈ្នួល ១៥ លានដុង។ លុះដល់ប៉ូស៌្ត័ការពារ ក៏ត្រូវកម្លាំងមានសមត្ថកិច្ចចាប់បាន។

.ចាក់សាំងចូលចង្ក្រានពេលកំពុងស៊ីផឹក យុវជន ៦ នាក់ត្រូវរលាកភ្លើងធ្ងន់

ក្នុងពេលដែលយុវជន ២ នាក់កំពុងចាក់សាំងចូលក្នុងចង្ក្រាន ស្រាប់តែត្រូវចាប់ភ្លើងពីចង្ក្រានមួយទៀតកំពុងដាក់លើដី បណ្តាលឲ្យយុវជន ២ នាក់នេះត្រូវឆេះយ៉ាងខ្លាំង។ មិនតែប៉ុណ្ណោះ ភ្លើងក៏បានឆេះរោលទៅយុវជន ៤ នាក់ក្នុងក្រុមនេះដែល​ បណ្តាលឲ្យ ៦នាក់ត្រូវឆេះខ្លាំងតែម្តង។ ហើយសង្ស័យថា ក្រុមនេះបានភ្នាល់គ្នា ឲ្យចាក់សាំងចូលក្នុងចង្ក្រាន បណ្តាលឲ្យ ៦ នាក់ត្រូវរលាកភ្លើងយ៉ាងទំងន់។

ព័ត៍មានអន្តរជាតិ

.ចាប់ ៥៦០នាក់ មកពីជួញដូរអាវុធខុសច្បាប់

សារព័ត៍មាន Daily Mail បានផ្សាយថា អង្គការប៉ូលិសអន្តរជាតិ (Interpol) បានជូនដំណឹងថា អង្គការនេះ បានចាប់បាន ៥៦០នាក់ ក្នុងយុទ្ធនាការធំមួយ មានឈ្មោះថា Trigger V ចាប់ពីថ្ងៃទី ២២ ដល់ថ្ងៃទី ២៨​ខែកុម្ភៈ សម្រាប់បោះសម្អាតឧក្រិដ្ឋជនជួញដូរអាវុធខុសច្បាប់នៅក្នុង ៨ ប្រទេសដូចជា៖ Colombia, Costa Rica, El Salvador, Mexico... 

.អនុវត្តបន្ថែម “ថ្ងៃច័ន្ទមិនហូបសាច់” នៅ New York

ដើម្បីបើកទូលាយកម្មវិធី”ថ្ងៃច័ន្ទមិនហូបសាច់”នោះ គឺចាប់ពីខែកញ្ញាខាងមុខ សិស្សានុសិស្សចំនួន ១ លាន ១ សែននាក់ នៅក្នុងសាលានានាក្នុងទីក្រុង New York (អាមេរិក) នឹងមិនទទួលទានអាហារមានសាច់នៅក្នុងថ្ងៃច័ន្ទរៀងរាល់សប្តាហ៍។

បានដឹងថា ដើម្បីគាំទ្រកម្មវិធីនេះ គឺសាលារដ្ឋជាច្រើនក្នុងទីក្រុង San Francisco និងរដ្ឋ California ក៏បានអនុវត្តកម្មវិធី “ថ្ងៃច័ន្ទមិនហូបសាច់” ចំពោះសិស្សទាំងអស់។

.អាមេរិកបានដកហូតគ្រឿងញៀនជិត ១,៥តោន ស្មើរនឹងលុយជិត ៨០លានដុល្លារ

យោងតាមទីភ្នាក់ងារសារព័ត៍មាន CNN នាយកដ្ឋានការពារទប់ស្កាត់គ្រឿងញៀន New York បានប្រកាសករណីជួញដូរគ្រឿញៀនក្នុងចំនួនធំមួយ បានបិតបាំងក្នុងផ្លែឈើក្រៀម ត្រូវបានប៉ូលីសរកឃើញកាលពីខែមុន ដែលមានតម្លៃឡើដល់ជិត ៨០លានដុល្លារអាមេរិកឯណោះ។  ហើយសព្វថ្ងៃនេះ ប៉ូលិសកំពុងស្វែងរកម្ចាស់ឡូទំនិញនេះ។

 

XỬ LÝ NGHIÊM HÀNH VI SỬ DỤNG MẠNG XÃ HỘI ĐĂNG TẢI THÔNG TIN GIẢ MẠO CÁC CƠ QUAN, ĐƠN VỊ, CÁ NHÂN

ផាកពិន័យឲ្យតឹងរឹងចំពោះអំពើរប្រើប្រាស់បណ្តាញសង្គម សម្រាប់ចុះផ្សាយដំណឹងក្លែងក្លាយរបស់អង្គភាពនិងបុគ្គលនានា

រយៈពេលកន្លងទៅ លើបណ្តាញសង្គម facebook ស្រាប់តែកើតមានគណនី facebook មានឈ្មោះថា គណៈកម្មការឃោសនាអប់រំមជ្ឈិមបក្សកុម្មុយនិស្តវៀតណាម បានចុះផ្សាយដំណឹងជាច្រើនដូចជា៖ “អំពាវនាវសហគមន៍ត្រូវប្រុងប្រយ័ត្ននឹងល្បិចគាំទ្រទឹកត្រីប្រពៃណី សម្រាប់បំផ្លាញការផលិតទឹកត្រីក្នុងស្រុក”។ ហើយខ្លឹមសារនៃដំណឹងនេះ ត្រូវបានទទួលការ like និង comment ច្រើន ហើយក្នុងចំណោមនោះមាន comment ជាច្រើនបានញុះញង់សហគមន៍។

ចំពោះបញ្ហានេះ លោក Nguyễn Huy Ngọc ជាប្រធានការិយាល័យឃោសនាអប់រំមជ្ឈិមបានអំណះអំណាងថា គណៈកម្មការឃោសនាអប់រំមជ្ឈិមគ្មាន និងមិនបានប្រើគណនី facebook ណាដូច្នោះឡើយ។ បានដឹងថា រយៈពេលកន្លងមក មានគណនីសង្គមជាច្រើន បានក្លែងបន្លំស្ថាប័នរដ្ឋ, អង្គភាព, អង្គការ និងបុគ្គលជាច្រើន ក្នុងនោះ មានទាំងគណកម្មការឃោសនាអប់រំមជ្ឈិម។ ការក្លែងបន្លំនេះ បានប៉ះពាល់យ៉ាងខ្លាំង ដល់សកម្មភាពរបស់អង្គភាព និងបុគ្គលពាក់ព័ន្ធ បានល្មើសដល់បទកំណត់ច្បាប់នានា ស្តីអំពីការប្រើប្រាស់ និងចុះផ្សាយខ្លឹមសារ… អំពើរខុសឆ្គងនេះត្រូវតែផ្តល់ទាទោស សម្រាប់សម្អាតសកម្មភាពឃោសនាលើបណ្តាញសង្គមនានា។ សូមស្នើរឲ្យស្ថាប័នមានសមត្ថកិច្ចនានា ត្រូវស៊ើបការភ្លាម សម្រាប់វិនិច្ឆ័យឲ្យតឹងរឹងជនល្មើស តាមការកំណត់របស់ច្បាប់ ចំពោះជនណា ឬអង្គភាពណា បានប្រើបណ្តាញសង្គមសម្រាប់ចុះផ្សាយដំណឹងក្លែងបន្លំអង្គភាព ឬ បុគ្គលផ្សេងៗ។

បណ្តាអង្គភាពឃោសនា សារព័ត៍មាននានា ត្រូវសកម្ម និងម្ចាស់ការចូលរួមក្នុងការទប់ទល់និង តបមកវិញចំពោះរាល់អំពើរល្មើស អំពើរចុះផ្សាយដំណឹងក្លែងបន្លំ ពិសេសគឺបញ្ហារសើប ស្មុគ្រ័ស្មាញ ប៉ះពាល់ខ្លាំងដល់ជីវភាពរស់នៅរបស់ប្រជាជន…សម្រាប់មិត្តអ្នកអាន និងប្រជាជនបានយល់ ព្រមទាំងមានការជ្រើសរើសត្រឹមត្រូវ សមស្រប និងឆ្លើយតបនឹងតម្រូវការបានទទួលយកដំណឹងច្រើនប្រភេទនាពេលបច្ចុប្បន្ន៕

 

 

 

VOH

Bình luận

Cùng chuyên mục

Đọc Báo